काठमाडौँ । सिटिजन्स बैंक इन्टरनेसनल लिमिटेडले आफ्नो १९औँ वार्षिकोत्सवको अवसरमा “डिजिटल मन्थ उत्सव” सञ्चालन गर्ने भएको छ। बैंकले २०८३ साल बैशाख १ गतेदेखि बैशाख ३१ गतेसम्म विभिन्न छुट तथा अफरहरू सहित उक्त उत्सव मनाउने जनाएको छ।

यस अवधिमा बैंकले आफ्ना ग्राहकहरूलाई विभिन्न डिजिटल बैंकिङ सेवाहरूमा विशेष छुट प्रदान गर्नेछ। बैंकका अनुसार निष्क्रिय डेबिट कार्डलाई पीओएस वा ई–कमर्समार्फत सक्रिय गराउँदा कारोबार रकमको १९ प्रतिशत वा अधिकतम रु. १९० सम्म क्यासब्याक प्रदान गरिनेछ।

त्यसैगरी, मोबाइल बैंकिङ वा डिजी बैंकमार्फत ई–कमर्स कार्ड अनुरोध गर्दा इश्यूअन्स चार्जमा ५० प्रतिशत छुट, निष्क्रिय व्यवसायिक क्यूआर सक्रिय गराउँदा कारोबार रकमको १९ प्रतिशत वा अधिकतम रु. १९० क्यासब्याक, होटल तथा रेष्टुरेन्टमा पीओएस मेसिन जडान गर्दा कारोबार शुल्कमा विशेष छुट प्रदान गरिनेछ।

मोबाइल बैंकिङ वा डिजी बैंकमार्फत लकर सेवा अनुरोध गर्दा वार्षिक शुल्कमा ५० प्रतिशत छुट, परिवारका सदस्यको नयाँ खाता खोल्दा प्रति खाता रु. १०० क्यासब्याक तथा मोबाइल बैंकिङमार्फत इन्टरनेशनल रेमिटेन्स भुक्तानी लिँदा रु. २०० क्यासब्याक समेत उपलब्ध गराइनेछ।

डिजिटल भुक्तानीलाई थप प्रोत्साहन गर्न सिटिजन्स फोनपे क्रेडिट कार्डमा पहिलो वर्षको शुल्कमा ५० प्रतिशत छुट दिने अफर पनि ल्याइएको छ।

बैंकले यसअघि नै ‘बैंक अफ द ईयर २०२४’ र ‘२०२५’ जस्ता प्रतिष्ठित अन्तर्राष्ट्रिय अवार्ड प्राप्त गरिसकेको छ। साथै, फोनपेसँगको सहकार्यमा नेपालमै पहिलो पटक ‘सिटिजन्स फोनपे क्रेडिट कार्ड’ सञ्चालनमा ल्याएको छ।

हालै बैंकले नवयुवालाई लक्षित ‘सिटिजन्स जेन–जी सेभिङ्स अकाउन्ट’, ‘डिजी बैंक सेवा’ नामक एकीकृत अनलाइन प्लेटफर्म तथा फ्रिलान्सरहरूका लागि विशेष ‘फ्रिलान्सर सेभिङ्स अकाउन्ट’ सञ्चालनमा ल्याएको छ।

सिटिजन्स बैंक इन्टरनेसनल लिमिटेडले देशभर ६१ जिल्लामा फैलिएका २०० शाखा, १६९ एटीएम, ३ विस्तारित काउन्टर र ४२ शाखारहित बैंकिङ इकाइमार्फत करिब २० लाखभन्दा बढी ग्राहकलाई सेवा प्रदान गर्दै आएको छ।