काठमाडौं । मेटलाइफ नेपालले आफ्नो वान बाइ मेटलाइफ एप मार्फत निःशुल्क स्वास्थ्य जोखिम मूल्याङ्कन (हेल्थ रिस्क अस्सेसमेन्ट) सुविधा शुरू गरेको छ ।

कम्पनीले यो निःशुल्क अफर यही सेप्टेम्बरको अन्त्यसम्म मात्रै उपलब्ध हुने र एपमा दर्ता गर्ने जो कोहीले पनि स्मार्टफोन क्यामेराको मद्दतबाट ५० सेकेन्डमै आफ्नो स्वास्थ्य जाँच गर्न सकिने दाबी गरेको छ ।

यो सुविधा सरल र सहज भएको मेटलाइफले बताएको छ । कम्पनीका अनुसार फोनको क्यामेराबाट एपले प्रयोगकर्ताको अनुहार स्क्यान गर्छ र तुरून्तै मुटुको दर, श्वासप्रश्वासको दर, रक्तचाप, अक्सिजन स्तर, र तनाव स्तरहरू आदिका बारेमा जानकारी दिन्छ । सम्पूर्ण प्रक्रियामा एक मिनेटभन्दा कम समय लाग्ने र सही नतिजा प्रदान गर्ने कम्पनीले जनाएको छ ।

इच्छुक व्यक्तिले वान बाइ मेटलाइफ एप डाउनलोड गरी दर्ता गरेर लग इन गरेपछि सुविधा लिन सक्नेछन् । निः शुल्क स्वास्थ्य जोखिम मूल्याङ्कन सुविधा या त होम ड्यासबोर्डबाट वा एपमा उपलब्ध ३६० हेल्थ आइकनबाट छनौट गरेर प्रयास गर्न सकिने कम्पनीका भनाई छ ।

यस पहलले मानिसहरूले व्यस्त समयको बावजूद स्वास्थ्य आफ्नो स्वास्थ्य हेरचाहलाई सजिलै र सहज पहुँच पुग्ने विश्वास कम्पनीले लिएको छ । यो सुविधा सीमित समयको लागि मात्रै भएकाले यसको लाभ उठाउन कम्पनीले आग्रह गरेको छ ।