काठमाडौँ । पञ्चकन्या समूहले बहुप्रतिभाशाली कलाकार तथा फिटनेस आइकन कविता नेपालीलाई एभरेस्ट र लोत्से (जुम्ल्याहा शिखर) आरोहण गर्न आर्थिक सहयोग गरेको छ। यो अभियान आगामी चैत्र ३० देखि सुरु हुनेछ।

समूहका प्रबन्ध निर्देशक प्रदीप कुमार श्रेष्ठले कवितालाई ूनेपाली महिलाको सशक्तीकरणको प्रतीकू बताउँदै उनको अभियानलाई समर्थन जनाए। उनले कविताको बुगी वुगी नृत्य प्रतियोगिता र मार्सल आर्टमा उत्कृष्ट प्रदर्शनको प्रशंसा गर्दै यस अभियानलाई ऐतिहासिक बताए।

पञ्चकन्या समूहले यसअघि पनि महिला सशक्तीकरणका लागि विभिन्न कार्यक्रमहरूमा सहयोग गरेको छ। सन् २०१३ मा माउन्ट किलिमान्जारोमा सेभेन समिट्स महिला टोलीलाई सहयोग गरेर समूहले आफ्नो ४०औँ वार्षिकोत्सवमा ब्यानर शिखरसम्म पुर्याएको थियो।

कविता नेपालीले एभरेस्ट र लोत्से एकै अभियानमा आरोहण गर्नेछिन्। उनले यो अभियान महिलाहरूका लागि प्रेरणा बन्ने बताएकी छन्।

पञ्चकन्याका प्रवक्ताले यो अभियानलाई सामाजिक प्रभाव सिर्जना गर्ने लगानी बताए। समूहले शिक्षा, स्वास्थ्य, सरसफाई, सिप विकास र महिला सशक्तीकरणमा निरन्तर कार्यरत छ।