काठमाडौं । नेपाली मोटरसाइकल बजारमा प्रख्यात ब्रान्ड रोयल इन्फिल्ड ले आफ्नो लोकप्रिय मोडल मिटिओर ३५० को तीन नयाँ भेरियन्ट नेपाली बजारमा भव्य रूपमा सार्वजनिक गरेको छ।

नेपालका लागि रोयल इन्फिल्डको आधिकारिक बिक्रेता अल्फा अटोमोटिभ प्रालि ले नक्सालस्थित शोरुममा विशेष कार्यक्रम आयोजना गरी नयाँ भेरियन्टहरू – मिटिओर फायरबल, मिटिओर स्टेलर र मिटिओर सुपरनोभा सार्वजनिक गरेको हो।

सार्वजनिक कार्यक्रममा त्रिवेणी ग्रुप का निर्देशक सुवासचन्द्र संघाइ र रोयल इन्फिल्ड नेपाल बजार प्रमुख अभिषेक सुक्ला को उपस्थितिमा मोटरसाइकलको भव्य सार्वजनिक प्रदर्शन गरिएको थियो।

सशक्त इन्जिन र आधुनिक प्रविधि

यी मोटरसाइकलहरूमा ३४९ सीसी क्षमताको सिंगल सिलिन्डर, फ्युल इन्जेक्टेड फोर स्ट्रोक, एयर–ओयल कुल्ड इन्जिन जडान गरिएको छ।
इन्जिनले अधिकतम ६१०० आरपीएममा २०.२ ब्रेक हर्स पावर (BHP) र ४००० आरपीएममा २७ एनएम टर्क उत्पादन गर्न सक्ने क्षमता राख्दछ।
सुरक्षाका लागि मोटरसाइकलमा डुअल डिस्क ब्रेक प्रणाली उपलब्ध छ।

कम्फर्ट र माइलेजको उत्कृष्ट संयोजन

यी सबै भेरियन्टहरूमा १५ लिटरको फ्युल ट्यांक क्षमतासहित प्रति लिटर औसत ४० किलोमिटर माइलेज दिने दाबी गरिएको छ।
१४०० एमएम ह्वीलबेस, ७६५ एमएम सिटको उचाइ, ट्विन डाउनटुव स्पाइन फ्रेम, अगाडि र पछाडि चौडा टुबलेस टायर जस्ता विशेषता यसमा पाइन्छन्, जसले लामो दूरीको यात्रा सहज बनाउँछ।

रंग विकल्प र स्टाइल

मिटिओर फायरबल – पहेंलो, रातो, निलो, म्याट हरियो

मिटिओर स्टेलर – कालो, निलो, रातो

मिटिओर सुपरनोभा – खैरो, निलो, रातो

मूल्य विवरण

कम्पनीले तीनै भेरियन्टको मूल्य यसप्रकार तोकेको छ:

मिटिओर फायरबल ३५० सीसी – रू ५,५०,०००

मिटिओर स्टेलर ३५० सीसी – रू ५,५५,०००

मिटिओर सुपरनोभा ३५० सीसी – रू ५,६५,०००

बुकिङ खुला

हाल देशभर रहेका १८ वटा रोयल इन्फिल्ड शोरुम मार्फत यी मोटरसाइकलहरू उपलब्ध छन् भने बुकिङ पनि खुलिसकेको जानकारी कम्पनीले दिएको छ।