काठमाडौं । एनआईसी एशिया बैंकका ग्राहक महानुभावहरुले अब कोरियन स्किन हस्पिटल ‘लेट मेइन’ का विभिन्न सेवाहरु तथा कोरियन उत्पादनमा विशेष छुट प्राप्त गर्न सक्ने भएका छन्।

काठमाडौंको नयाँ बानेश्वर, महाराजगञ्ज र पोखरास्थित चिप्लेढुंगामा सञ्चालित लेट मेइनसँगको सहकार्यपछि बैंकका ग्राहकहरुले डिजिटल माध्यमबाट सेवा लिंदा १० प्रतिशतसम्म छुट प्राप्त गर्न सक्ने बैंकले जनाएको छ।

यस सम्झौता अन्तर्गत ग्राहक महानुभावहरुले लेट मेइनले प्रदान गर्ने विभिन्न सौन्दर्य तथा छालासम्बन्धी सेवाहरु (जस्तैः लेजर उपचार, हाइड्राफेसियल, पिग्मेन्ट उपचार, एक्ने उपचार, स्किन टाइटनिङ आदि) मा १० प्रतिशत छुट र कोरियन उत्पादनहरुमा ८ प्रतिशत छुट पाउनेछन्।

छुटको सुविधा उपभोग गर्न ग्राहकहरुले एनआईसी एशिया बैंकको डेबिट कार्ड, क्रेडिट कार्ड, प्रिपेड कार्ड वा मोबैंक एपमार्फत डिजिटल भुक्तानी गर्नुपर्नेछ।

बैंकले यस सहकार्यले ग्राहकहरुलाई विशेष सुविधा उपलब्ध गराउनुका साथै डिजिटल भुक्तानी प्रणालीलाई प्रवर्द्धन गर्न योगदान पुर्याउने विश्वास लिएको छ।