काठमाडौं । सिटिजन्स बैंक इन्टरनेसनल लिमिटेडले बागमती प्रदेशमा आफ्ना प्रदेश प्रमुख, क्लस्टरहेड, शाखा–प्रबन्धक तथा सहकर्मीहरूलाई लक्षित गर्दै “ईम्पावरिङ्ग लिडरसिप् इन बागमती : अ सेमिनार फर पर्फरमेन्स एण्ड एक्सिलेन्स” कार्यक्रम सम्पन्न गरेको छ।

कार्यक्रम बैंकका प्रमुख कार्यकारी अधिकृत गणेशराज पोखरेल, उप–प्रमुख कार्यकारी अधिकृत तथा वरिष्ठ कार्यकारीहरूको उपस्थितिमा सम्पन्न भएको हो। कार्यक्रममा गत आर्थिक वर्षको प्रगति समीक्षा गर्दै चालु आर्थिक वर्षका प्राथमिकतामा गहन छलफल गरिएको थियो। साथै केन्द्र र प्रदेशबीचको सहकार्यलाई अझ सुदृढ गर्ने उद्देश्यसमेत राखिएको थियो।

यसअघि मधेश प्रदेशमा यस्तै सेमिनार सम्पन्न भइसकेको र अन्य प्रदेशमा पनि क्रमशः सञ्चालन गर्ने योजना बैंकले जनाएको छ।

वित्तीय प्रगति समीक्षा गर्दै बैंकले २०८१/८२ को असार मसान्तसम्म कर्जा प्रवाहमा ११.१५ प्रतिशत वृद्धि भई १ खर्ब ७५ अर्ब १६ करोड रुपैयाँ पुगेको जानकारी दिएको छ। निक्षेप संकलनमा पनि ११.६९ प्रतिशत वृद्धि भई २ खर्ब १४ अर्ब ८ करोड रुपैयाँ पुगेको छ। यस अवधिमा खुद व्याज आम्दानी ६ अर्ब ३६ करोड रुपैयाँ पुगेको छ भने सीडी रेसियो ८१.९१ प्रतिशत कायम भएको छ।

बैंकले हालै “बैंक अफ द ईयर २०२४” उपाधि हासिल गरेको छ। साथै नेपालमै पहिलो पटक फोनपेसँग सहकार्यमा “सिटिजन्स फोनपे क्रेडिट कार्ड” भर्चुअल क्रेडिट कार्ड र मोबाइल बैंकिङ एपमार्फत शेयर आवेदन तथा चेक नम्बर सेवाको सुविधा उपलब्ध गराएको छ।

सिटिजन्स बैंक इन्टरनेसनल लिमिटेडले हाल ६१ जिल्लामा २०० शाखा, १६९ एटीएम, ३ विस्तारित काउन्टर र ७४ शाखा रहित बैंकिङ इकाइमार्फत १९ लाखभन्दा बढी ग्राहकलाई आधुनिक बैंकिङ सेवा प्रदान गर्दै आएको छ।