काठमाडौँ । शैक्षिक परामर्श क्षेत्रमा आफ्नो अलग्गै पहिचान बनाउन सफल अग्रणी शैक्षिक संस्था ‘इडीयु–ब्रिज कन्सल्टेन्सी’ले आफ्नो स्थापनाको २६औं वार्षिकोत्सव भव्य रुपमा मनाएको छ । वैदेशिक अध्ययनमा जान चाहने विद्यार्थीहरुलाई परामर्श दिने क्रममा विभिन्न चुनौतिहरूलाई छिचोल्दै निरन्तरको प्रयासबाट २६औं वार्षिकोत्सव मनाउन सफल भएको इडीयु–ब्रिजले जनाएको छ ।

इडीयु–ब्रिजले यति लामो यात्रामा साथ दिने र सहकार्य गर्ने सबैप्रति आभार प्रकट गरेको छ । इडीयु–ब्रिजका प्रबन्ध निर्देशक योगेश क्षेत्रीले वार्षिकोत्सव अवसरमा यहाँसम्म आइपुग्न अहम् भुमिका खेल्ने विद्यार्थी, अभिभावक, कर्मचारी, शुभेच्छुक र सरोकारवाला तथा साझेदार सबैलाई धन्यवाद दिएका छन् ।

‘संस्था स्थापनाको यस अवसरमा अझ बढी जिम्मेवारी थपिएको महसुस भएको छ,’ उनले भने, ‘विद्यार्थी तथा अभिभावको विश्वास नै अहिलेसम्मको सबैभन्दा ठूलो कमाई हो ।’ क्षेत्रीले आगामी दिनमा अझै परिस्कृत र गुणस्तरीय सेवा प्रवाह गर्दै विद्यार्थी एवं अभिभावको विश्वास आर्जन गर्न प्रतिवद्ध रहेको बताए ।

इडीयु–ब्रिजले हालसम्म हजारौं विद्यार्थीहरूलाई उनीहरूको दीर्घकालीन करियर निर्माणमा सहयात्री बनेर वेलायत (यूके) अष्ट्रेलिया, अमेरिका, क्यानडा, युएई, युरोप र एसियाका विभिन्न देशहरूमा अध्ययनका लागि मार्गदर्शन गरिसकेको छ ।

वार्षिकोत्सवकै अवसर पारेर इडीयु–ब्रिजले यही जनवरी महिनाको ८ देखि १४ तारिखसम्म ‘इडीयु–ब्रिज २६औं वार्षिकोत्सव सप्ताह’ मनाउने घोषणासमेत गरेको छ । यो सप्ताहव्यापी कार्यक्रम विशेषगरी विद्यार्थीहरुको वैदेशिक अध्ययन तथा करियर सचेतनामा केन्द्रित रहने बताइएको छ ।

काठमाडौं कमलादीमा मुख्य कार्यालय रहेको इडीयु–ब्रिजले विद्यार्थीहरुलाई समग्र करियर निर्माणमा सही सूचना, जिम्मेवार मार्गदर्शन र शैक्षिक परामर्श प्रदान गरी सफल भविष्यको मार्ग प्रशस्त गर्न भूमिका खेल्दै आएको छ ।