काठमाडौं । झापा निर्वाचन क्षेत्र नम्बर ५ मा जारी मतगणनामा राष्ट्रिय स्वतन्त्र पार्टी (रास्वपा) का उम्मेदवार बालेन्द्र शाह (बालेन) ले फराकिलो अग्रता बनाएका छन्।

हालसम्मको मतगणनाअनुसार शाहले १० हजार १९० मत प्राप्त गरेका छन्। उनका निकटतम प्रतिस्पर्धी नेकपा (एमाले) का अध्यक्ष केपी शर्मा ओलीले ४ हजार ८७ मत पाएका छन्।

अन्य उम्मेदवारमध्ये श्रम संस्कृति पार्टीका समीर तामाङले १३९ मत, नेपाली कम्युनिस्ट पार्टीका रञ्जित तामाङले ९० मत, राष्ट्रिय प्रजातन्त्र पार्टीका लक्ष्मीप्रसाद संग्रौलाले ८७ मत प्राप्त गरेका छन्। नेपाली कांग्रेसकी उम्मेदवार मन्धरा चिमरियाले ७८ मत पाएकी छन्।

हालसम्मको मतपरिणामअनुसार शाहले निकटतम प्रतिस्पर्धी ओलीभन्दा ६ हजारभन्दा बढी मतान्तर बनाउँदै अग्रता कायम गरेका छन्। मतगणना भने अझै जारी रहेको निर्वाचन अधिकृतको कार्यालयले जनाएको छ।