काठमाडौं। विश्वप्रसिद्ध प्रविधि कम्पनी शाओमीले नयाँ स्मार्टफोन रेडमी नोट १५ फाइभजी नेपाली बजारमा सार्वजनिक गरेको छ। कम्पनीका अनुसार यो स्मार्टफोन अल्ट्रा–पातलो डिजाइन, शक्तिशाली ब्याट्री, उच्च प्रदर्शन र प्रिमियम सुविधासहित प्रयोगकर्ताका लागि आकर्षक विकल्प बनेको छ।

डिजाइन र बनावट
रेडमी नोट १५ फाइभजी तीन आकर्षक रङ—कालो, ग्लेसियर निलो र मिस्ट बैजनीमा उपलब्ध छ। यीमध्ये मिस्ट बैजनी रङ प्रयोगकर्तामाझ विशेष लोकप्रिय बनेको कम्पनीले जनाएको छ। रेडमी सिरिजकै इतिहासमा सबैभन्दा पातलो मानिएको यो डिभाइसले आकर्षक लुक दिन्छ। यसको पातलो, हल्का र आकर्षक डिजाइनले प्रयोग गर्न सहज र रमाइलो अनुभव प्रदान गर्ने बताइएको छ।

उच्च क्षमता र लामो ब्याट्री आयु
रेडमी नोट १५ फाइभजीमा ५५२० मिलिअम्पियर क्षमताको ब्याट्री रहेको छ, जसले करिब दुई दिनसम्म चार्ज टिक्ने कम्पनीको दाबी छ। स्मार्ट चार्जिङ इन्जिनले ब्याट्रीको आयु लम्ब्याउन मद्दत गर्छ भने ४५ वाट टर्बो चार्जिङले छिट्टै पूर्ण चार्ज हुन्छ। यसले एक पटक चार्ज गर्दा करिब २१ घण्टासम्म भिडियो हेर्न वा १० घण्टासम्म भिडियो रेकर्ड गर्न सकिने बताइएको छ।

प्रिमियम डिस्प्ले र उच्च प्रदर्शन
६ दशमलव ७७ इन्चको ओएलईडी डिस्प्ले र ३२०० निट्ससम्मको ब्राइटनेसका कारण घाममा पनि स्पष्ट दृश्य देख्न सकिन्छ। ३८४० हर्ज पीडब्लुएम डिमिङ प्रविधिले आँखामा सहजता प्रदान गर्छ। स्मार्टफोनमा स्न्यापड्रागन ६ जेन ३ प्रोसेसर (४ नानोमिटर आर्किटेक्चर) प्रयोग गरिएको छ, जसले २४ जिबीसम्म र्याम सपोर्ट गर्दै उच्च गति र स्मूद प्रदर्शन सुनिश्चित गर्छ।

फोटोग्राफी र मनोरञ्जनको नयाँ अनुभव
रेडमी नोट १५ फाइभजीमा १८० मेगापिक्सेल मुख्य क्यामेरा, ८ मेगापिक्सेल अल्ट्रा–वाइड क्यामेरा र २० मेगापिक्सेल फ्रन्ट क्यामेरा रहेको छ। बिल्ट–इन इमेज स्टेबलाइजेसन र कृत्रिम बुद्धिमत्ता (एआई) आधारित सुविधाले स्पष्ट तस्बिर र भिडियो खिच्न सहयोग गर्छ। डुअल स्पिकर, एआई पोर्ट्रेट र डाइनामिक सट्स २.० जस्ता सुविधाले मनोरञ्जन अनुभवलाई अझ समृद्ध बनाउने कम्पनीले जनाएको छ।

सुरक्षा र मजबुती
इन–स्क्रिन फिङ्गरप्रिन्ट र एआई फेस अनलक प्रणालीले सुरक्षित पहुँच प्रदान गर्छ। रेडमी नोट १५ फाइभजी ड्रप र पानी प्रतिरोधी प्रमाणित रहेको छ। साथै वेट टच टेक्नोलोजी २.० का कारण भिजेको स्क्रिनमा पनि सहज रूपमा प्रयोग गर्न सकिने बताइएको छ।

उपलब्धता र मूल्य
यो स्मार्टफोन नेपालभर दुई भेरियन्टमा उपलब्ध छ। १२ जिबी र्याम र ५१२ जिबी स्टोरेजको मूल्य ४६ हजार ९९९ रुपैयाँ तथा ८ जिबी र्याम र २५६ जिबी स्टोरेजको मूल्य ३९ हजार ९९९ रुपैयाँ तोकिएको कम्पनीले जनाएको छ।