काठमाडौं । नेपालमा Yadea इलेक्ट्रिक स्कुटरको आधिकारिक वितरक Kuzu Nepal Pvt. Ltd. ले काठमाडौंको नागपोखरीमा नयाँ ‘याडेया केयर – सेवा केन्द्र’ सञ्चालनमा ल्याएको छ।

ग्राहकलाई अझ प्रभावकारी बिक्रीपछिको सेवा प्रदान गर्ने उद्देश्यले सञ्चालनमा ल्याइएको उक्त सेवा केन्द्रले Kathmandu को केन्द्रीय क्षेत्रमा बसोबास गर्ने तथा काम गर्ने प्रयोगकर्तालाई छिटो, भरपर्दो मर्मत तथा प्राविधिक सेवा उपलब्ध गराउने कम्पनीले जनाएको छ।

कम्पनीका अनुसार सेवा केन्द्र सञ्चालनमा आएपछि याडेया स्कुटर प्रयोगकर्ताले सहज स्थानमै प्राविधिक जाँच, मर्मत तथा सेवा सुविधा पाउनेछन्।

Yadea विश्व बजारमा लगातार एक वर्षदेखि इलेक्ट्रिक दुईपांग्रे सवारी साधनतर्फ अग्रणी ब्रान्डका रूपमा स्थापित रहेको कम्पनीको दाबी छ। नेपाली बजारमा पनि यसका विभिन्न मोडेलहरू लोकप्रिय बन्दै गइरहेका छन्। विशेषगरी Yadea Velax electric scooter, Yadea Owin electric scooter तथा सबैभन्दा धेरै बिक्री हुने Yadea E8S Pro electric scooter मोडेलले उपभोक्ताबाट सकारात्मक प्रतिक्रिया पाइरहेका छन्।

कुजु नेपालका अनुसार नागपोखरीमा सेवा केन्द्र सञ्चालन गर्नु ग्राहक सेवा अझ सुदृढ बनाउने र याडेया प्रयोगकर्तालाई उत्कृष्ट सेवा अनुभव प्रदान गर्ने कम्पनीको प्रतिबद्धताको हिस्सा हो।

कम्पनीले आगामी दिनहरूमा देशका अन्य प्रमुख सहरहरूमा पनि ‘याडेया केयर’ सेवा केन्द्र विस्तार गर्दै लैजाने योजना रहेको जनाएको छ। यसबाट देशभरका ग्राहकलाई अझ सहज र भरपर्दो बिक्रीपछिको सेवा उपलब्ध गराउने लक्ष्य राखिएको कम्पनीले जनाएको छ।