काठमाडौं । नयाँ वर्ष २०८३ को अवसर पारेर हायरले आफ्ना विभिन्न घरायसी उपकरणमा विशेष छुट तथा उपहार योजना सार्वजनिक गरेको छ । कम्पनीले फ्रिज, वासिङ मेसिन, टेलिभिजन, एयर कन्डिसनरलगायतका उत्पादन खरिद गर्दा ग्राहकले फ्री गिफ्ट, क्यासब्याक र बम्पर उपहार जित्ने अवसर पाउने जनाएको छ ।

कम्पनीका अनुसार रेफ्रिजेरेटरअन्तर्गत सिङ्गल डोर फ्रिज खरिद गर्दा महाराजा ड्राइ आइरन, डबल डोर फ्रिजमा महाराजा स्टिम आइरन तथा साइड–बाइ–साइड फ्रिज खरिद गर्दा ५० लिटर क्षमताको हायर फ्रिज उपहार दिइनेछ ।

त्यस्तै, वासिङ मेसिन खरिद गर्ने ग्राहकलाई पनि विशेष उपहारको व्यवस्था गरिएको छ । सेमि–अटो वा टप लोड वासिङ मेसिनमा महाराजा ड्राइ आइरन र फ्रन्ट लोड वासिङ मेसिनमा ५०० वाट क्षमताको महाराजा मिक्सर ग्राइन्डर–नोभेलो उपहार प्रदान गरिने कम्पनीले जनाएको छ ।
एयर कन्डिसनर (एसी) खरिद गर्ने ग्राहकका लागि तीन हजार रुपैयाँ बराबरको निःशुल्क जडान सुविधा उपलब्ध हुनेछ । साथै, चेस्ट फ्रिजर र भीसी कुलरमा २० प्रतिशतसम्म क्यासब्याक तथा माइक्रोवेभ ओभन र एलइडी टीभी खरिदमा पनि २० प्रतिशतसम्म क्यासब्याक दिइने व्यवस्था गरिएको छ ।

हायरले अफरलाई अझ आकर्षक बनाउन ‘बम्पर अफर’ समेत ल्याएको छ । यसअन्तर्गत साप्ताहिक ‘लक्की ड्र’ मार्फत विजेतालाई महाराजा मिक्सर ग्राइन्डर प्रदान गरिनेछ भने ग्रान्ड प्राइज अन्तर्गत एक जना भाग्यशाली ग्राहकले ६५ इन्चको हायर एलइडी टीभी जित्ने अवसर पाउनेछन् । यसका अतिरिक्त ‘सेयर एन्ड विन’ योजनाअन्तर्गत ग्राहकले हायरको पोस्ट फेसबुक र इन्स्टाग्राममा सेयर गरेर सिंगल डोर फ्रिज जित्न सक्नेछन् ।

यो अफर चैत्र २३ गते (सोमबार) देखि लागू भई सीमित अवधिसम्म मात्र कायम रहने कम्पनीले जनाएको छ ।

नयाँ वर्षको अवसरमा ग्राहकलाई गुणस्तरीय उत्पादनसँगै थप लाभ प्रदान गर्ने र ग्राहकसँगको सम्बन्ध अझ सुदृढ बनाउने उद्देश्यले योजना ल्याइएको कम्पनीको भनाइ छ ।