निक्षेप तथा कर्जा सुरक्षण कोषको रिक्त रहेको प्रमुख कार्यकारी अधिकृत (सीईओ) पदमा अर्थ मन्त्रालयका उपसचिव डिलाराम गिरी नियुक्त हुनुभएको छ।

नेपाल सरकार मन्त्रिपरिषद्को दुई दिनअघि यही जेठ ११ गतेको निर्णयअनुसार उहाँलाई सो पदमा नियुक्त गरिएको हो। मन्त्रिपरिषद्को उक्त निर्णय र अर्थ मन्त्रालयको यही जेठ १३ गतेको पत्रअनुसार गिरीलाई कोषको प्रमुख कार्यकारी अधिकृतको जिम्मेवारी दिइएको हो।

नवनियुक्त प्रमुख कार्यकारी अधिकृत गिरीको कुशल नेतृत्वमा कोषको आगामी कार्यसम्पादन थप प्रभावकारी र सुदृढ बन्ने विश्वास अर्थमन्त्रालयले लिइएको बताइन्छ।