७६काठमाडौं,१६माघ : प्रहरीले काठमाडौंबाट गैंडाको खागसहित दुई जनालाई पक्राउ गरेको छ। बुधबार साँझ चावहिलबाट काठमाडौं-८ का ४६ वर्षीय लव खत्री र कपन एकतावस्तीका २२ वर्षीय दिनेश थापालाई पक्राउ गरिएको महानगरीय प्रहरी अपराध महाशाखाले जनाएको छ।

पच्चीस लाख रूपैयाँमा खाग बिक्री गर्न लागिरहेको सूचना पाएपछि अपराध महाशाखाको टोलीले उनीहरूलाई नियन्त्रणमा लिएको हो।

पक्राउ परेकालाई आवश्यक कारबाहीका लागि जिल्ला वन कार्यालय काठमाडौं पठाइएको छ।