प्रधानमन्त्री केपी शर्मा ओलीले संसदीय सुनुवाई समितिले निर्णय लिनुभन्दा अघि पदबाट राजीनामा दिन कामु प्रधानन्यायाधीश दीपकराज जोशीलाई सुझाव दिएका छन् ।

प्रधानमन्त्री ओली, नेकपा अध्यक्ष पुष्पकमल दाहाल प्रचण्डसँग बारम्वार भेट्ने कोशिस गरेका जोशीले दुई दिनअघि मात्र ओलीलाई भेट्न सकेको थिए । जोशीसँग भेट गर्नुभन्दा पहिले संसदीय समितिमा परेका उजुरीका बिषयमा एमाले नेता योगेश भट्टराईसँग ओलीले परामर्स गरेका थिए ।

भट्टराईसँग परामर्स गरेपछि जोशीलाई भेटेका प्रधानमन्त्री ओलीले राजीनामा दिन सुझाव दिएको बालुवाटार स्रोतले बताएको छ । ‘संसदीय सुनुवाई समितिबाट तपाई अनुमोदन हुने सम्भावना रहेन, तपाईले तत्काल राजीनामा दिँदा राम्रो हुन्छ’ जोशीलाई प्रधानमन्त्रीले चेतावनी दिँदै भने ‘नत्र महाअभियोगसम्म जाने संकेत मैले पाएको छु ।’

जोशीलाई महाअभियोग लगाउनु पर्ने पक्षमा नेकपा र संघिय समाजबादी फोरमका सांसदहरुले आन्तरिक तयारी थालेका छन् । संसदीय सुनुवाई समितिमा कांग्रेस बाधक बनेपछि सांसदहरुले महाअभियोग प्रस्तावको तयारी थालेका हुन् ।
महाअभियोग लगाउने तयारी थालेपछि जोशी थप संकटमा फसेका छन् । संसदीय समितिले पनि आज निर्णय लिने भएको छ ।