काठमाडौं । शाइन रेसुङ्गाको संस्थापक सेयर साधारणमा परिणत भएको छ । उक्त संस्था शाइन रेसुङ्गा डेभलपमेन्ट बैंकको ११ लाख १९ हजार ५ सय ९६ कित्ता संस्थापक सेयर साधारण सेयरमा परिणत भएको छ । शुक्रबार मात्रै कम्पनीको सो मात्राको सेयर साधारणमा परिणत भएको हो ।

उक्त शाइन रेसुङ्गा डेभलपमेन्ट बैंकको सेयर संरचना परिवर्तन भएसँगै बैंकमा संस्थापकको ५४।८५ प्रतिशत र सर्वसाधारणको ४५।१५ प्रतिशत स्वामित्व हुने छ ।

तामघासमा केन्द्रीय कार्यालय रहेको शाइन रेसुङ्गा डेभलपमेन्ट बैंकको यस संस्थाको चुक्ता पुँजी ३ अर्ब रुपैयाँ रहेको छ । त्यस्तै, बजार पुँजीकरण ७ अर्ब ८१ करोड २३ लाख रुपैयाँ रहेको छ । बिहीबार (मंसिर ४ गते) कम्पनीको सेयर मूल्य प्रतिकित्ता २५९ रुपैयाँमा किनबेच भएको थियो ।