काठमाडौं । सांग्रिला डेभलपमेन्ट बैंक लिमिटेड र दराजबीच छुट सम्बन्धी सम्झौता भएको छ । बैंक नयाँ वर्ष २०७९ साललाई लक्षित गर्दै आफ्ना ग्राहकहरुलाई दराजबाट समान खरिद गर्दा विशेष छुट पाउने समझदारी गरेको हो ।

उक्त सम्झौतापत्रमा बैंकका तर्फबाट प्रमुख सञ्चालन अधिकृत अपूर्व प्रसाद जोशी र दराजका तर्फबाट डिजिटल पेमेन्ट पार्टनरसीप प्रमुख अरुण फुयाँलले हस्ताक्षर गरेका हुन् । बैंकको कार्ड प्रयोगकर्ताहरुले नेपाली नयाँ वर्षको उपलक्ष्यमा हुन लागेको नव वर्ष २०७९ अभियान २०७८ चैत्र २८ गतेको दिनदेखि सिमित समयको लागी डेबिट कार्ड मार्फत अग्रिम भुक्तानीमा अधिकतम १० प्रतिशत वा १ हजार रुपैयाँसम्मको छुट प्राप्त गर्न सक्नेछन् ।

उक्त छुट प्राप्त गर्नको लागि ग्राहकहरुको आफ्नो कार्डमा ई कमर्स सक्रिय गर्नुपर्छ । ग्राहकहरुलाई आफ्नो कार्डमा ई कमर्स सक्रिय गर्न र डेबिट कार्डको लागि आजै आवेदन दिन समेत बैंकले अनुरोध गरेको छ ।