निरंजन साह, जनकपुरधाम । प्रदेश नम्बर दुई को अस्थायी राजधानी जनकपुरमा हुने रामजानकी बिवाहपञ्चमीका लागि यसबर्ष बिशेष प्रकारको धनुषको व्यवस्था गरिएको छ ।

जानकी मन्दिरका महन्थ रामरोशन दाश वैष्णवले यसबर्ष बिशेष प्रकारका धनुषको प्रवन्ध गरिएका बताएका छन । महन्थ वैष्णवका अनुसार धनुष यज्ञका लागि बिगतभन्दा विशेष तयारी भएको हो ।

रामजानकी विवाहमा ५ फिट भन्दा ठुलो धनुष निर्माण भइरहेको वैष्णवले जनकारी दिएका छन । भव्य धनुष निर्माणका लागि एक सातादेखि प्राबिधिकहरुले काम गरिरहेको महन्त दासले बताएको हो । वैष्णवको अनुसार सजावटको लागि पनि बिशेष प्रबन्ध गरिएका छन । रामजानकी विवाह महोत्सवमा नगर परिक्रमा गर्न दुई दर्जन गाडी सजावट भइरहे को जानकारी दिएको हो ।

मंसिर २१ गते नगर दर्शनवाट सुरु हुने विवाह महोत्सवको दोश्रो दिन विवाहमण्डपमा फुलवारी लीला, तेस्रो दिन मन्दिर प्रांगणमा धनुषयज्ञ, चौथो दिन तिलकोत्सव, पाँचौ दिन गंगासागर पोखरिमा मटकोर, छैठो दिन शुभ विवाह र अन्तिम दिन महोत्सव समापन हुनेछ । भारतबाट आउने जन्तीको स्वागतका लागि प्रदेश नम्बर दुई का सरकारले दिवा भोज र स्वागत कार्यक्रम आयोजना गरेको आन्तरिक मामिमा तथा कानुनमन्त्री ज्ञानेन्द्र कुमार यादवले बताएका छन ।