सरसफाइ को लागि रिक्सा प्रदान
Sunday Dec 02, 2018
वि.सं.२०७५ मंसिर १६ आइतवार ०५:०९
निरंजन साह, जनकपुरधाम । जानकी फाइनान्स कम्पनी लिमिटेड जनकपुरले किशोरी नगर टोल सुधार समितिलाई एक फोहर उठाउने रिक्सा हस्तान्तरण गरेको छ ।
कम्पनीको परिसरमा आयोजित एक कार्यक्रम बिच आज कम्पनीका अध्यक्ष रघुनाथ प्रसाद साहले टोल सुधार समिति का पुर्व अध्यक्ष गणेश झालाइ रिक्सा हस्तान्तरण गरेका हुन ।
जनकपुरधाम उपमहानगरपालिका वडा नम्बर २ अन्तर्गत पर्ने किशोरी नगर टोलमा सरसफाइ व्यवस्थापन गर्न रिक्सा प्रदान गरिएको फाइनान्स कम्पनी को अध्यक्ष साहले बताए ।
कार्यक्रममा कम्पनीका संचालक समितिका सदस्य महाविर सुल्तानिया , अशोक जालान , निरन्जन प्रसाद साह ,वरिष्ठ पत्रकार बृज कुमार यादव ,नेपाल पत्रकार महासंघ का केन्द्रिय सदस्य शैलेन्द्र झा , पत्रकार निरंजन साह , महाप्रबन्धक रजनिश सिंह लगायत टोलका बुद्धिजीवीहरुको उपस्थिति रहेको थियो ।
वित्तिय संस्थाहरुले आफ्नो नाफाको केही रकम सामाजिक क्षेत्रमा खर्च गर्नुपर्ने हुन्छ ।
किशोरीनगर टोल सुधार समितिले टोलभित्र लामो समय देखि सरसफाइ बिजुली बत्ति व्यवस्थापन मर्मत सम्भार लगायत का कार्य गर्दैआएको छ ।
