काठमाडौ । नेपाल निर्माण व्यवसायी महासंघका अध्यक्ष रवि सिंहले देशको राजस्व संकलन साधारण खर्च समेत धान्न सक्ने अवस्थामा नरहेको बताएका छन् ।

बिहिबार नेपाल निर्माण व्यवसायी महासंघको २४ औँ साधारण सभा कार्यक्रममा बोल्दै अध्यक्ष सिंहले देशको राजस्व संकलन साधारण खर्च धान्ने अवस्थामा समेत नरहेको बताए ।

उनले भने “राजस्व संकलन साधारण खर्च धान्ने पनि छैन बिकास वजेटलाई आउने अनुदान र ऋणहरू सोचेको अनुपातमा आईरहेको छैन । बजेटलाई कम्तीमा २० प्रतिशत नभए ४० प्रतिशत विकास वजेट संकुचन हुन गइरहेको छ । वास्तविक रुपमा बोझको रुपमा नलिई हामीले सरकारलाई सहयोग गर्ने तयार छौ ।”

अहिले कालो सुचीमा राख्ने परिपाटी एकतर्फ धेरै भएको भन्दै सार्वजनिक खरिद अनुगमन कार्यलयमा ३४० भन्दा बढि कम्पनीहरु कालो सुचीमा रहेको उनको भनाई छ ।

अध्यक्ष सिंहले, कालो सुचिमा परिसकेपछि काम लगाउने अधिकारीहरुलाई पनि कारवाही गर्नु पर्ने माग गरे । त्यस्तै ५० प्रतिशत भन्दा बढि ठेक्कामा डिपिआर तयार नभएको, बजेट अभाव भएको कारणले ठेक्का सञ्चालनमा आउन नसकेको प्रति उनको गुनासो छ ।

उनले अन्य निकायबाट अनुमति नलिईएको ठेक्का अन्त्य गरेर सार्वजनिक खरिद नियमावलीमा व्यवस्था भए वमोजिम १२ औ संशोधनले गरेको प्रावधानलाई पुर्ण रुपमा पालना गर्ने गरि ठेक्का लगाउन सरकारको ध्यानाकर्षण गराए ।