काठमाडौं । सैनिक आचार संहिता कार्यक्रम–२०८० को उद्घाटन भएको छ ।

मंगलबार बलाध्यक्ष रथी श्री सिताराम खड्काले कार्यक्रमको उद्घाटन गरेका हुन् ।

नेपाली सेनामा कार्यरत सकलदर्जालाई आफू पदमा बहाल रहँदा तथा सेवानिवृत्त भइसकेपछि पनि गर्न हुने र नहुने गतिविधि एवं सैनिक आचारणका बारेमा सु–सूचित गरी अनुशासित, नैतिकवान र जिम्मेवारीपूर्ण सिपाहीको पहिचान कायम राखीरहने एवं सैनिक आचार संहिता संग्रह–२०७६ मा उल्लेखित विषयहरुमा प्रशिक्षित गर्ने उद्देश्यले वैशाख ०५ गतेदेखि ऐ.०६ गतेसम्म संचालन गर्न लागिएको हो ।

उक्त कार्यक्रमलाई सम्बोधन गर्दै बलाध्यक्ष खड्काले सैनिक आचार संहिता कार्यक्रम–२०८० बाट नेपाली सेनाको सबै तहका कमाण्डर लगायत तल्लो तहसम्म आचार संहिताबारे ज्ञान अभिवृद्धि हुने विश्वास व्यक्त गरे ।

उनले सैनिक सदस्यहरुले स्वअनुशासनमा रहेर सैनिक ऐन र नियमको परिधिभित्र रहि कार्यसम्पादन गर्न अपरिहार्य रहेको उनको भनाई छ ।
कार्यक्रम भोली बुधबार प्रधान सेनापति महारथी प्रभुराम शर्माबाट समापन हुनेछ ।