फास्ट ट्रयाकमा काम भईरहेको छ : निर्देशक घिसिङ
Thursday Jun 22, 2023
वि.सं.२०८० असार ७ बिहीवार १६:४४
काठमाडौं । नेपाल विद्युत प्राधिकरणका पूर्व प्रबन्ध निर्देशक कुलमान घिसिङले देशभरी फास्ट ट्रयाकमा विद्युतका पोलहरु सार्ने काम भईरहेको बताएका छन् ।
बिहीवार प्रतिनिधि अन्तरगतको पूर्वाधार विकास समिति बैठकमा उनले सडक विभागकै ठेक्कामा पोल सार्ने कार्यविधि बनाएर फास्ट ट्रयाकमा भईरहेको बताएका हुन् ।
उनले भने, ‘देशभरीमा स्थानीय तहका प्रदेशका १०० प्रतिशत विद्युतका पोलहरु सार्नु पर्ने छन् । लाखै पोल छन् अहिले सबैठाउँमा एउटा व्यक्तिको जग्गामा छ । त्यो पोल सार्नलाई ठूलो बजेट चाहिन्छ ।
विद्युतिकरणलाई मात्र ५० औं अरब रुपैयाँ खर्च गरिएको छ । सडक विभागकै ठेक्कामा पोल सार्ने कामहरु पनि कार्यविधि बनाएर फास्ट ट्रयाकमा भईरहेको छ ।’
