४ जेठ, काठमाडौँ- पत्रकार सोमराज लुइटेलको ५४ वर्षको उमेरमा निधन भएको छ । निमोनियाका कारण उनको मृत्यु भएको परिवारका सदस्यले बताएका छन् । उनको दुवै मृगौला फेल भएका थिए भने उच्च रक्तचाप र मधुमेहद्वारा समेत ग्रसित थिए । लुईटेलले २०३९ सालमा पत्रकारिता थालेका हुन् । उनले समीक्षा साप्ताहिक, दैनिक समाज, जनज्योति साप्ताहिक, लोकपत्र दैनिक, साधना मासिकलगायत पत्रपत्रिकामा आबद्ध गरी काम गरेका थिए ।