Global IME Bank Limited
Everest Bank
Nmb bank

लोक गीत भन्दा आधुनिक गीत गाउँदा बढी आनन्द आउँछ- मानबहादुर कुलुङ

sanimareliance life
nic asia bank 2
मिडिया स्पेस सोलुसन्स प्रालि
Global IME Bank Limited
Machhapuchchhre Bank

विश्वकै सर्वोच्च शिखर सगरमाथा पर्यटकीय स्थलहरु, धार्मिक स्थलहरु, विविध प्रकारका मौलिक कला, संस्कृति, भाषा, भौगोलिक बनावट आदिका कारण यस क्षेत्र अत्यन्तै सुन्दर छ । मेरो देश नेपाल हो भन्दा कमैले चिन्लान् । तर माउन्ट एभरेष्टको देशभन्दा प्राय सबैले चिन्छन् ।

त्यही माउन्ट एभरेष्ट रहेको ठाउँ सोलुखुम्बु छेस्काम ६ हाल महाकुलुङ गाउँपालिकामा वि.स. २०५० फागुन २५ गते माता चन्द्र मणि राई र पिता रामबहादुर राईका सुपुत्र गायक मानबहादुर कुलुङ जेहेन्दार र परिश्रमी हुन् । २०६८ सालमा तत्कालीन एसएलसी हालको एसएईई दिए पश्चात उच्च शिक्षा हासिल गर्ने अभिलाषा लिएर राजधानी काठमाडौ आएपछि उहाँ सांगितिक क्षेत्रमा प्रवेश गर्नुभयो । प्रस्तुत छ उनै मानबहादुर कुलुङ्सँग  पत्रकार केशर विश्वकर्मा गरेको  कुराकानी:


 

१. तपाई सागितिक क्षेत्रमा कहिलेदेखि प्रवेश गर्नुभयो ?
जब म २०६८ सालमा एसएलसी दिएर उच्च शिक्षा हासिल गर्न काठमाडौ आए । त्यसपछाडि यस क्षेत्रमा प्रवेश गरेको हुँ ।
२. यस क्षेत्रमा प्रवेश गर्न को बाट प्रेरणा पाउनु भयो ?
म सानै हुँदादेखि नै संगीतलाई माया गर्थे । यस क्षेत्रलाई नै भविष्यमा अगाडि बढाउछु भन्ने लागेको थियो । त्यसैले एसएलसी दिएपछि गाउँबाट काठमाण्डौ आए । अझ यो क्षेत्रलाई अघि बढाउनको लागि मेरा आदरणीय दाजु राजकुमार राईले धेरै कलाकारहरुसँग चिनाउनु भयो । त्यसपछि मेरो आत्मबल बढ्यो र यस क्षेत्र प्रतिको प्रेरणा झन् थपियो ।


३. तपाई सांगितिक क्षेत्रमा हुनुहुन्छ, गाउने मात्र गर्नुहुन्छ कि शब्द सिर्जना मात्रै हो कि संगीत सिर्जना पनि गर्नुहुन्छ ?
म गीत गाउने र शब्द सिर्जना गर्छु तर संगीत सिर्जना अहिलेसम्म गरेको छैन । रियाज गरिरहेको छु । अब भोलिका दिनमा हेर्नुपर्छ ।
४. तपाई कस्ता गीत बढी गाउनुहुन्छ ?
मलाई मनपर्ने चाहिँ आधुनिक गीत हो तर लोकगीत पनि उत्तिकै मनपर्छ । अहिलेसम्म ५ वटा गीत गाएँ । जसमध्ये २ वटा पुर्वेली लोकगीत र ३ वटा आधुनिक गीत गाएको छु । मलाई लोक गीत गाउदा भन्दा आधुनिक गीत गाउँदा बढी आनन्द आउँछ । लोकगीत भन्दा आधुनिक गीत गाउँन गाह्रो हुन्छ । तैपनि मलाई आधुनिक गीत मनपर्छ ।


५. पछिल्लो समय लोक गीत संगीतमा विकृति आएको छ भन्छन् नि ?
केही मात्रामा गीतसंगीतमा विकृति ल्याइएको छ । विकृति आफैँ आउने होइन, सम्बन्धित क्षेत्रका व्यक्ति र संघसंस्थाको वेवास्ताका कारण विकृति भित्र्एिको पाईन्छ । विशेषगरी शब्द सिर्जना गर्ने र गाउने दुवै पक्षको महत्वपुर्ण भुमिका रहन्छ । किनभने शब्द सिर्जना गर्नेले पनि कस्तो शब्द राख्दा उपयुक्त हुन्छ, कस्तो शब्द हाम्रो समाजलाई पाच्य हुन्छ भन्ने कुरामा ध्यान दिनुपर्छ । त्यस्तै गाउने व्यक्तिले पनि शब्द लय कस्तो छ । आफुले कस्तो गीत गाउने हो, गीतले के सन्देश दिन्छ ती सम्पुर्ण पक्षको राम्रो विचार गरेर मात्रै गाउनु पर्छ । यदि त्यसो भयो भने गीत संगीतमा आएका विकृतिहरु हटाउन सकिन्छ । कुनै गीत संगीतहरुका भिडियोहरु परिवारसँग बसेर हेर्न सुन्न हेर्न नसक्ने खालका हुन्छन् ती कुरालाई विचार गरेर अगाडि बढ्दा राम्रो हुन्छ । यस्ता विषयलाई राज्यले पनि नियाल्नु पर्छ ।

 
६. तपाईको गीतसंगीतमा पाउने विषेशताहरु के के हुन् ?
मेरा गीत संगीतमा मौलिकता झल्किने खालका शब्द पाइन्छ । जस्तो गाउँघरका विषय, जन्मभुमि, डाडाकाडा आदिलाई सम्टेर रचना गरिएका गीतहरु गाएको छु । त्यसैले मेरा गीतका विशेषता यिनै हुन् ।

 

७. यस क्षेत्रबाट रोजीरोटी चलाउन सकिन्छ ?

रोजीरोटीको कुरा बारेमा भन्दा जुनसुकै क्षेत्रमा पनि निरन्तरताको आवश्यकता पर्छ । म यही क्षेत्रमा अगाडि बढ्छु भनेर दृढ संकल्प गर्नुपर्छ । त्यसो भयो भने कुनै पनि क्षेत्रमा रहेर कार्य गर्दा सफलता पाउन सकिन्छ । त्यसैले गर्दा, म पनि यस क्षेत्रमा निरन्तर छु । अहिलेसम्म रोजीरोटी चलेकै छ र चलाउन पनि सकिन्छ । आजको भोलि नै प्रतिफल खोजेमा खासै यस क्षेत्रमा आम्दानी हुदैन । त्यसैले निरन्तरता र धैर्यताको आवश्यकता पर्छ ।

 

८. तपाईजस्तै गायक बन्न चाहाने व्यक्तिलाई के भन्नुहुन्छ ?

गीतसंगीत के हो आफु कुन क्षेत्रको कलाकार बन्न चाहेको हो, जस्तो पप, आधुनिक, लोक आदिको बारेमा स्पष्ट हुनुपर्छ । त्यसपछि सम्बन्धित क्षेत्रको राम्रोसँग ज्ञान हासिल गर्नुपर्छ, इच्छा शक्ति हुनुपर्छ । त्यतिमात्र भएर पनि हुँदैन सिक्नुपर्छ । त्यसपछि यस क्षेत्रमा आउनुहोस् सफलता मिल्छ । म यस क्षेत्रबाट सन्तुष्ट छु । किनकी गीत संगीत अत्यन्तै मनपर्छ र विगत ५–६ वर्ष देखि निरन्तर लागिरहेको छु ।

 

९. अन्त्यमा के भन्नुहुन्छ ?

मलाई यस क्षेत्रमा आइरहँदा निरन्तरता दिनको लागि जस्तोसुकै समस्यालाई पनि समाधान गर्न हरपल हरक्षण साथसहयोग र हौसला दिने मेरो आत्मीय भाई सन्दिप कलुङ्गलाई आर्शीवाद साथै धन्यावाद दिन्छु । त्यस्तै भविष्यमा कस्ता गीत, संगीत बजारमा ल्याउँदा राम्रो हुन्छ भनेर सल्लाह सुझाव र प्रतिक्रिया दिने आम दर्शक श्रोता सबैलाई आधार प्रकट गर्दै सल्लाह सुझावको अपेक्षा राख्दछु र अन्त्यमा यस छलफल पत्रिका मार्फत यी मेरा गीतसंगीत सम्बन्धी केही विचार राख्ने मौका दिनुभयो त्यसको लागि यहाँ लगायत छलफल परिवारलाई धन्यावाद दिन्छु ।

 

सार्वजनिक जग्गा सरकारका मान्छेले कब्जा गरे : अमरेश कुमार

सार्वजनिक जग्गा सरकारका मान्छेले कब्जा गरे :...

वि.सं.२०८० फागुन १२ शनिवार ०७:५४

  काठमार्डौं । स्वतन्त्र सांसद अमरेश कुमार सिंहले सार्वजनिक सरकारी...

श्रीलंकामा नेपाली अलैंची चर्चा, अर्थतन्त्रमा योगदानबारे बहस

श्रीलंकामा नेपाली अलैंची चर्चा, अर्थतन्त्रमा योगदानबारे बहस

वि.सं.२०८० फागुन १२ शनिवार ०७:४८

काठमाडौं । श्रीलंकाको कोलम्बोमा सम्पन्न एसिया प्रसान्त क्षेत्रका मुलुकहरु सहभागी...

पूर्वी नाकाबाट ६९ अर्बभन्दा बढीको कृषिउपज निकासी

पूर्वी नाकाबाट ६९ अर्बभन्दा बढीको कृषिउपज निकासी

वि.सं.२०८० फागुन १२ शनिवार ०७:३६

विराटनगर । पूर्वी नाकाबाट तीन महिनाको अवधिमा तीन अर्ब ६९...

गैरहाजिर भएका १८ प्रहरीलाई ७ दिनभित्र हाजिर हुन निर्देशन

गैरहाजिर भएका १८ प्रहरीलाई ७ दिनभित्र हाजिर...

वि.सं.२०८० फागुन १० बिहीवार ०९:१४

काठमाडौं । बिदा स्वीकृत नगराई कार्यालयमा हाजिर नभएका १८ जना...

कांग्रेस महासमिति बैठक : प्रदेश सभापतिहरूले बोलेपछि आजै समापन

कांग्रेस महासमिति बैठक : प्रदेश सभापतिहरूले बोलेपछि...

वि.सं.२०८० फागुन १० बिहीवार ०९:००

काठमाडौं । मुलुकको सबैभन्दा ठूलो दल नेपाली कांग्रेसको महासमिति बैठक...

केन्द्रमा बढीमा १२ वटा मन्त्राल राखेर अन्य अधिकार प्रदेशलाई दिनुपर्छ : पोखरेल (बागमती प्रदेश)

केन्द्रमा बढीमा १२ वटा मन्त्राल राखेर अन्य...

वि.सं.२०८० फागुन ९ बुधवार ०८:५९

काठमाडौं । बागमती प्रदेशका सांसद, नेकपा एमालेका नेता तथा पूर्वमन्त्री...