८ जेठ, काठमाडौं- सोमबार सेयर बजार दोहोरो अंकले ओरालो लागेको छ । बजार १०.५८ अंकले घटेर परिसूचक १६१६.६६ विन्दुमा पुगेको छ । यो दिन १४५ कम्पनीको नौ लाख ८५ हजार कित्ता सेयर ५२ करोड ८६ लाख ७९ हजार रुपैयाँ बढीको सेयर किनबेच भएको छ । कारोबार सुरुदेखि नै आरोलो लाग्दा ‘क’ वर्गका कम्पनीहरुको कारोबार मापन गर्ने सेन्सेटिभ इन्डेक्स २.४९ विन्दुले घटेको छ ।

सुरुदेखि नै ओरालो लागेको बजार अन्तिम समयसम्म ओरालो यो क्रम कायमै रहँदा होटेल र उत्पादन तथा प्रशोधन समूहको परिसूचक उकालो लागेको छ भने अन्य सबै समूहको परिसूचक ओरालो लागेका छन् ।

यो दिन होटेल समूहको परिसूचक १२.७२ र उत्पादन तथा प्रशोधन समूहको परिसूचक २०.६४ विन्दुले उकालो लागेको छ । बैंकिङ समूहको १३.७६, विकास बैंक समूहको परिसूचक ५.६७, जलविद्यूत समूहको १०.१३, वित्त समूहको शून् दशमलव ११ र वित्त समूहको परिसूचक ६५.३६ अंकले घटेको छ ।

कारोबारमा सबै भन्दा बढी नेपाल बैंकको आठ करोड आठ लाख रुपैयाँ बढीको सेयर किनबेच भएको छ । यस्तै बैंक अफ काठमाडौंको तीन करोड ५७ लाख, हिमालयन जनरल इन्स्योरेन्सको तीन करोड १५ लाख रुपैयाँ बढीको सेयर कारोबार भएको नेप्सेले जनाएको छ ।