१५ जेठ, काठमाडौँ– चर्चित निर्देशक निश्चल बस्नेतले धर्मपत्नी स्वस्तिमा खड्कासँग पहिलो पटक अभिनय गरेको चलचित्र ‘२ रुपैयाँ’को ‘कुटुमा कुटु सुपारी दानां…’गीत सार्वजनिक भएको छ ।
असिम शाहको निर्देशनमा एजिटु वान प्रोडक्सनमा र ब्ल्याक हर्स पिक्चर्सले निर्माण गरेको युट्युव मार्फत सार्वजनिक गीतमा निश्चल र स्वस्तिको निकै आकर्षक नृत्य रहेको छ ।
गीतमा चलचित्रका अर्का नायक आशिफ शाह र बुद्धि तामाङ पनि देखिएका छन् । राजनराज शिवाकोटीको शब्द र संगीत रहेको ‘कुटुमा कुटु सुपारी दाना’ गीतलाई राजन ईशानले संगीत संयोजन गरेका हुन् ।
गीतमा राजनका अलवा ईशान र मेलिना राईको स्वर रहेको छ । इटहरीमा गीतको भिजुअल छाँयाकन भएको हो । जसको कोरियोग्राफी कविराज गहतराजले गरेका छन् । चलचित्र यहि भदौ २३ गतेबाट सार्वजनिक प्रदर्शनमा आउदैछ ।

– गीतले पनि छिटै नै स्रोता तथा दर्शकको मन जित्न सक्ने निर्देशक शाहले बताए ।