३१ जेठ, एजेन्सी-   बंगलादेशमा बाढि पहिरोका कारण ज्यान गुमाउनेको सङ्ख्या १ सय ३४ पुगेको छ । मौषमी वर्षा मनसुनसगै आएको भारी आधीका कारण बंगलादेशको दक्षिणपुर्वी पहाडी क्षेत्रमा सबैभन्दा धेरै क्ष्ँती पुगेको जनाइएको छ ।

दक्षिणपुर्वी बंगलादेशको रंगमतीमा ९८, चटगाउमा ३० र बन्दरबनमा ६ जनाले ज्यान गुमाएको बंगलादेशी अधिकारीले जनाएका छन् ।

ज्यान गुमाउनेमा उद्धारका लागि रंगमतीमा खटिएका चार सैनिक पनि रहेको जनाइएको छ । खोज तथा उद्धार कार्यमा खराब मौसमले बाधा पारेको बंगलादेशी प्रकोप व्यवस्थापन निकायले जनाएको छ ।