मस्कोः जारी विश्वकपमा आज सन् २०१४मा ब्राजिलमा भएको विश्वकपको विश्वविजेता जर्मनीले दक्षिण कोरियाको सामना गर्दैछ । अघिल्लो चरणमा जान जर्मनीले आजको खेल जित्नै पर्ने हुन्छ । यो खेल गुप्र एफ अन्र्तगत लीग चरणको अन्तिम खेल हो । यसअघि भएका दुई खेलमा जर्मनीले एक जीत र एक खेलमा हार व्यहोरेको थियो । जर्मनीले खेलेको पहिलो खेलमा मेक्सिकोसँग अप्रत्यासित हार व्यहोरेको थियो । उक्त खेलमा मेक्सिकोले जर्मनीलाई १–० गोल अन्तरले पाखा लगाएको थियो । त्यस्तै, दोस्रो खेलमा जर्मनीले स्वीडेन माथि २–१ को नतिजा निकाल्यो । जर्मनीको यो समुहमा ३ अंक बनाएको छ । आज हुने अन्तिम खेलमा जित निकालेमा जर्मनीको ६ अंक हुनेछ र अन्तिम १६ मा प्रवेश पाउनेछ । यदि हारेमा जर्मनी स्वतः बाहिरिनेछ । दक्षिण कोरिया दुई खेलमा हार व्यहोर्दै अंक विहिन छ ।
त्यस्तै, आज नै समूह एफकै स्वीडेन र मेक्सिकोको विचको खेल पनि हुँदैछ । मेक्सिकोले ६ अंक बनाएर अन्तिम १६ मा प्रवेशको ढोका बलियो बनाएको छ । यदि आजको खेलमा स्वीडेन विजयी भएमा स्वीडेनको पनि ६ अंक हुनेछ । जर्मनीसँग हारेको स्वीडेनले दक्षिण कोरियालाई १–० ले हराउँदै ३ अंक बनाएको छ । यसको साथै जर्मनीले दक्षिण कोरियासँग जीत निकालेमा जर्मनी, स्वीडेन र मेक्सिकोको समान ६ अंक हुनेछ । यसो भएमा गोल अंन्तरको आधारमा यी मध्ये दुई देशमात्र अर्को चरणमा प्रवेश पाउनेछन् । मेक्सिकोको २ गोल प्लस छ भने जर्मनी र स्वीडेनको गोल अन्तर छैन् । स्वीडेन र जर्मनी जसले धेरै गोल अन्तरले जित्छन्, ऊ नै दोस्रो चरणमा जानेछन् ।
यस्तै, आजनै समुह इ अन्र्तगतका लिग चरणका अन्तिम खेलहरु हुँदैछन् । आज हुने खेलमा ब्राजिलले सर्बियाको सामना गर्दै छ भने स्वीजरल्याण्डले कोस्टारिकाको सामना गर्दै छ । सदावहार दाबेदार मानिएको ब्राजिलले यस अघि एक खेल बराबरी र एक खेलमा जीत निकाल्दै ४ अंक बनाएको छ । ब्राजिलको सामना गर्ने सर्वियाको पनि कोस्टारिकालाई १–० ले हराउँदै ३ अंक बनाएको छ । यदि आजको खेलमा ४ अंक बोकेको ब्राजिललाई हराएमा सर्बियाले अन्तिम १६मा स्थान पाउनेछ । त्यस्तै, यहि समुहको आज हुने अर्को खेलमा स्वीजरल्याण्डले कोस्टारिकाको सामना गर्दै छ । ब्राजिललाई बराबरीमा रोकी सर्वियासँग २–१ को जित निकालेको स्वीजरल्याण्ड कोस्टारिकालाई हराई अर्को चरणमा स्थान पक्का बनाउने दाउमा छ । ४ अंक बोकेको स्वीजरल्याण्डले कोस्टारिकासँग बराबरी खेलपनि दोस्रो चरणमा जाने सम्भावना उत्तिकै छ । यदि आजको खेलमा स्वीजरल्याण्ड हारेपनि ब्राजिलले सर्वियालाई हराएमा स्वतः अन्तिम १६ मा जानेछ । तर ब्राजिल र सर्विया बराबरी भए भने स्वीजरल्याण्ड नै अर्को चरणमा जानेछ ।
आजका खेलहरु
मेक्सिको – स्वीडेन ७ः४५ बजे
जर्मनी– दक्षिण कोरिया ७ः४५ बजे
स्वीजरल्याण्ड–कोस्टारिका ११ः४५ बजे
ब्राजिल–सर्विया ११ः४५ बजे