काठमाडौं । एनसीसी बैंकले टिच फर नेपाललाई आथिृक सहयोग गरेको छ । बैंकले टिच फर नेपाललाई सहयोग स्वरुप ५ लाख रुपैयाँ आर्थिक सहयोग प्रदान गरेको हो ।

उक्त रकमको चेक एनसीसी बैंकका नायव प्रमुख कार्यकारी अधिकृत बन्दना पाठकले टिच फर नेपालका प्रमुख कार्यकारी अधिकृत शिशिर खनाललाई हस्तान्तरण गरेकी हुन् ।

सरकारी विद्यालयमा पढ्ने नेपालीलाई उच्च स्तरीय शिक्षा दिने दुरदर्शीता वृद्धि गर्नको निम्ति बैंकको संस्थागत सामाजिक उत्तरदायित्व अन्तर्गत टिच फर नेपाललाई उक्त सहयोग गरेको बैंकले जनाएको छ ।