मुख्य खबर

कान्तिपुर दैनिकमा प्रकाशित “अझै छटपटाई रहेका छन् घाईते” शिर्षक समाचारप्रति सुनुवार विद्यार्थी समाजको ध्यानाकर्षण

  • आर्थिक प्लस संवाददाता

    २०७७ जेष्ठ २६ गते, सोमबार १७:१५ मा प्रकाशित

काठमाडौं- कान्तिपुर दैनिकको मिति २०७७।०२।२५ गते पहिलो पृष्ठमा प्रकाशित भएको रुकुम घटनाः स्थलगत पश्चिम रुकुममा घटेको घटनासँग सम्बन्धित समाचार “अझै छटपटाई रहेका छन् घाईते” शिर्षकमा प्रकाशित समाचारप्रति सुनुवार विद्यार्थी समाज संघीय समितिले ध्यानाकर्षण गराएको छ ।

कसलाई के भएको छ ? भन्ने फोटो क्यापसनमा प्रयोग गरिएको “गोविन्द सुनुवार” लेखिएको प्रति सुनुवार विद्यार्थी समाजले ध्यानाकर्षण गराएको हो । ध्यानाकर्षण गराउँदै भनेको छ- “हामी एकिनका साथ रुकुम पश्चिममा किरात समुदायको “सुनुवार” जाति नरहेको कान्तिपुर पब्लिकेशनलाई प्रष्ट पार्न चाहन्छौँ । “सुनुवार” जाति छुट्टै पहिचान भएको किरात समुदाय अन्तर्गतको जनजाति भएको पनि प्रष्ट बनाउन चाहन्छौँ ।”

ध्यानाकर्षण गराउँदै भनेको छ- “राज्यको चौथो अंगको रुपमा स्थापित पत्रकार जगतको संस्थाले लापरवाही ढङ्गले गरेको गल्तिको भर्त्सना गर्दै हामी मातृसंस्था सुनुवार सेवा समाज, सुनुवार अग्रजहरु, विद्यार्थी साथीहरु लगायत सम्पूण मिडयाहरुलाई यस प्रति सचेत रहन अनुरोध गर्दछौँ ।” साथै, कान्तिपुर पब्लिकेशनले गरेको गल्तीलाई तुरुन्त सच्याउन र आगामी दिनमा यस किसिमको गल्तीले ठूलो क्षतिको सामना गर्नुपर्ने प्रति सचेत गराउएको छ ।

http://noc.org.np/