मुख्य खबर

पास बनाउन ३ हजार घुस लिने अख्तियारको फन्दामा

  • आर्थिक प्लस संवाददाता

    २०७७ असार ११ गते, बिहीबार २०:२५ मा प्रकाशित

काठमाडौं – काठमाडौं जिल्ला प्रशासन कार्यलय अगाडि बाटै एक जना व्यक्ति तीन् हजार घुससहित अख्तियारको फन्दामा परेका छन् । जिल्ला प्रशासन कै कर्मचारीले सवारी पासको नाममा घुस लिने गरेको भेटिएको छ । उनीहरुले काठमाडौंबाट बाहिर जाने ठूला बसलाई समेत घुस रकमका आधारमा रातारात पास दिने गरेका छन् ।जिल्ला प्रशासन कार्यालय काठमाडौँले सोर्सफोर्स हुनेलाई सजिलै पास दिने तथा अत्यावश्यक काम परेकालाईसमेत नदिने गरेको गुनासो आएपछि आयोगले स्टिङ अप्रेसन गरेको थियो ।

अख्तियार दुरुपयोग अनुसन्धान आयोगले त्यहाँ छापामारी घुस सहित एक लेखापढी व्यावसायीलाई पक्राउ गरेको हो । पक्राउ पर्नेमा काठमाण्डौमा लेखापढी ब्यवसाय गर्ने उनी ढकाल एण्ड सापकोटा सर्भिसेजका खेमराज सापकोटा रहेका छन् । काठमाण्डौबाट धनकुटा जाने प्रयोजनको लागि सवारी पास बनाई दिन्छु भन्दै उनले घस मागिरहेको सुचनाको आधारमा अख्तियारले उनलाई पक्राउ गरेको हो । उनले सेवाग्राहीसँग ३ हजार घुस लिइसकेपछि अख्तियारले पक्राउ गरेको हो ।

http://noc.org.np/