निक्षेप तथा कर्जाको ब्याजदर सम्बन्धी सम्पूर्ण जानकारी प्रदान गर्ने उद्देश्यले सरल बैंकिङ सेवाु सञ्चालनमा आएको छ। बैंक तथा वित्तीय संस्थाहरुले लिने निक्षेप तथा प्रदान गर्ने कर्जाको ब्याजदर, ब्याजदरको तुलना र अनलाइन बैंकिङ सम्बन्धी सम्पूर्ण जानकारी एउटै छातामुनि प्रदान गर्ने उद्देश्यले सरल बैंकिङ सेवा सञ्चालनमा आएको हो।

यसलाई घटस्थापनाको दिनदेखि कम्पनीले सुरु गरेको हो। सरल बैंकिङ सेवामा बैंक तथा वित्तीय संस्थाहरुले प्रदान गर्ने घर, गाडी, शैक्षिक कर्जा इत्यादिको ब्याजदर र सेवा शुल्कको बारेमा जानकारी दिइएको विज्ञप्तिमा उल्लेख छ। आफैंले विभिन्न बैंक तथा वित्तीय संस्थाहरुले प्रदान गर्ने ब्याजदर बीच तुलना गर्न सकिनेछ।

यसबाटै कर्जाको लागि आवश्यक योग्यता मापन र कर्जाको मासिक किस्ता रकम ९इएमआई० आफैंले मापन गरेर हेर्न सकिनेछ। सरल बैंकिङ सेवामा बैंक तथा वित्तीय संस्थाहरुले प्रदान गर्ने क्रेडिट कार्ड बारेसमेत सम्पूर्ण जानकारी समेत दिइएको छ।

‘बैंक तथा वित्तीय संस्थाहरुले प्रदान गर्ने निक्षेप तथा कर्जा सम्बन्धी सानोभन्दा सानो जानकारी प्राप्त गर्न पनि बैंकहरु धाइरहनुपर्ने बाध्यताको अन्त्य गर्न पनि यस प्रकारको सेवाको सुरुवात गरेका हौं,’ सरल बैंकिङ सेवाका प्रबन्ध निर्देशक सुनिसकुमार लाखेले भने, ‘सरल बैंकिङ सेवा सञ्चालनमा आएसँगै यसले नाम अनुसार ग्राहकहरुलाई सरल तरिकाबाट थप सेवाहरु प्रदान गर्नेछ।’

विशेषगरी, अबको केही समयमा सरल बैंकिङ सेवामा आबद्ध हुन चाहने सेवाग्राहीले सरल बैंकिङ सेवा डटकममा लग इन गरेर पनि आफूले चाहेको बैंक तथा वित्तीय संस्थाहरुमार्फत सजिलै खाता खोल्न तथा कर्जा आवेदन दिन सक्नेछन्।

त्यस्तै, एकै ठाउँमा बसेर सम्पूर्ण बैंकहरुको ब्याजदर तथा सेवा सुविधा सम्बन्धी जानकारी तथा तुलना पनि गर्न सक्ने प्रबन्ध निर्देशक लाखेले जानकारी दिएका छन्।