काठमाडौँ । सङ्घीय मामिला तथा सामान्य प्रशासन मन्त्रालयले छात्रवृत्तिका लागि निवेदन आव्हान गरेको छ । मन्त्रालयले कोरिया,सिंगापुर,अष्ट्रेलिया सरकारद्धारा नेपाल सरकारका निजामती कर्मचारीहरूलाई उपलब्ध गराउने अध्ययन वा तालिम छात्रवृत्तिका लागि मन्त्रालय वा अन्तर्गतका निकाय वा स्थानीय तहमा कार्यरत कर्मचारीहरूसँग आवेदन आह्वान गरेको हो ।

केही साता अघि मात्र मुख्यसचिव शंकरदास वैरागीको अध्यक्षतामा बसेको कोरिया, अष्ट्रेलिया र सिंगापुर लगायत सरकारबाट प्राप्त छात्रबृत्ति मन्त्रालयगतरुपमा भागबण्डा गरेको थियो । समितिको गत साता बसेको बैठकले कोरिया,अष्ट्रेलिया र सिंगापुर लगायतका सरकारले नेपालका निजामती कर्मचारीहरुलाई प्रदान गरिने छात्रबृत्तिको न्यायीक बाँडफाँड टुंग्याएको हो ।

जसअन्तरगत कोरिया सरकारले नेपालका निजामती कर्मचारीलाई प्रदान गर्न लागेका विभिन्न २२ वटा कोर्समा ८८ जना कर्मचारी छनौंट गरिन लागेको छ ।