काठमाडौं । नेपाल सुनचाँदी व्यवसायी महासंघले आज सुनचाँदीको मूल्य स्थिर रहेको जनाएको छ । महासंघका अनुसार आज सोमबार शनिबारकै भाउमा सुनचाँदीको कारोबार हुने भएको हो । साताको शनिबार छापावाल सुनको मूल्य ९४ हजार रुपैयाँ र तेजाबी सुनको मूल्य ९३ हजार ५०० रुपैयाँ कायम थियो । यही मूल्यमा साताको आइतबार समेत कारोबार भएको थियो । जुन, आज सोमबार पनि सोही मूल्यमा कारोबार हुने महासंघले जनाएको छ ।

यसअघि, गत साताको शुक्रबार छापावाल सुनको मूल्य तोलामा ९२ हजार ५०० र तेजाबी सुनको मूल्य ९२ हजार रुपैयाँ थियो । शुक्रबारको तुलनामा शनिबार एकै दिन सुनको मूल्य १५ सय रुपैयाँले बढेको थियो । यसैगरी, आज चाँदीको मूल्य समेत स्थिर छ । आज पनि शनिबारकै मूल्यमा चाँदीको कारोबार भइरहेको महासंघले जनाएको छ । आज चाँदीको मूल्य तोलामा १२ सय १५ रुपैयाँ कायम छ ।