काठमाडौँ । आठ रात नौ दिन लामो विस्का जात्राको लिंगो ढालिएको छ ।

तान्त्रिक विधिपूर्वक दशकर्म विधान गरी लिंगोको टुप्पोमा नाग र नागिनीको प्रतीक दुईवटा ध्वजा र अष्टमातृकाको प्रतीक आठवटा डोरीले बाँधी ठड्याउने प्रचलन छ।

लिंगोको कोखामा झुन्ड्याइएका दुईवटा ध्वजालाई वीरध्वजा, विश्वध्वजा भन्ने गरिन्छ । ती ध्वजालई आकाश भैरवका ध्वजासमेत भनिन्छ । भक्तपुरको प्रसिद्ध बिस्केट जात्रा हेर्नाले सुख, समृद्धि, सहकाल आउनुका साथै शत्रु नाश हुने जनविश्वास छ ।

अष्टमातृकाको प्रतिक मानिने लिंगोमा ध्वजा बाँधेर फहराएपछि खलाँ टोलमा भैरवनाथ र भद्रकालीको रथलाई एकापसमा जुधाइने परम्परा छ । लिंगो ढालिसकेपछि भेलुखेलबाट भैरवनाथ र भद्रकालीको रथ गःहिटी पु¥याइन्छ ।

नेपाल सम्वत् २६८ अर्थात् लिच्छवी कालअघिदेखि नै राजा जगत ज्योति मल्लले विशेष रूपमा यो जात्रा मनाउने व्यवस्था गरेको इतिहासमा उल्लेख छ ।

त्यसपछि नेपाल सम्वत् ८२७ मा राजा भूपतीन्द्र मल्लले बिस्केट जात्रालाई थप व्यवस्थित गरी आठ रात र नौ दिनसम्म मनाउने प्रचलन बसाएको इतिहासविद्को मत छ ।

जात्रा हेर्न भक्तपुरसहित काठमाडौं, ललितपुरसहित उपत्यका आसपासबाट हजारौ जात्राप्रेमीहरु भक्तपुरमा भेला भएका थिए ।