तुम्बाहाम्फेको निधनमा शोक प्रस्ताव पारित
Monday Apr 17, 2023
वि.सं.२०८० वैशाख ४ सोमवार १९:१५
काठमाडौं । राष्ट्रियसभा बैठकले प्रतिनिधिसभाका पूर्वसदस्य तेजमान तुम्बाहाम्फेको निधनमा शोक प्रस्ताव पारित गरेको छ । बैठकमा राष्ट्रियसभा अध्यक्ष गणेशप्रसाद तिमिल्सिनाद्वारा प्रस्तुत शोक प्रस्ताव सर्वसम्मतिबाट पारित भएको हो ।
२०१५ सालको प्रतिनिधिसभा सदस्य निर्वाचनमा निर्वाचन क्षेत्र नं २६ धनकुटाबाट नेपाली कांग्रेस पार्टीका तर्फबाट निर्वाचित तुम्बाहाम्फेको गत चैत २४ गते ९७ वर्षको उमेरमा निधन भएको थियो ।
राष्ट्रियसभाको अर्को बैठक यही वैशाख गते ५ गते अपराह्न २ः३१ बजे बस्नेछ।
