काठमाडौं । प्रधानमन्त्री पुष्पकमल दाहाल ‘प्रचण्ड’ ले वर्तमान सरकार नयाँ संविधानको सफल कार्यान्वयनको लागि प्रतिवद्ध रहेको बताउँदै देशको शान्ती, समृद्धि र स्थायित्वको जिम्मेवारी आफ्नो काँधमा आएको बताएका छन् ।

नेपाल कम्युनिस्ट पार्टीको ७४ औं स्थापना दिवसको अवसरमा शुभकामना दिदै प्रधानमन्त्री दाहालले जारी गरेको विज्ञप्तीमा नेपाली जनतालाई सामाजिक न्यायसहितको समृद्धिको नयाँ युगमा पु¥याउन वर्तमान सरकार कटिबद्ध रहेको पनि बताइएको छ ।

विज्ञप्तीमा भनिएको छ,‘मुलुक विकास, समृद्धि, स्थिरता र सुशासनको व्यवहारीक अभ्यासको चरणमा पुगेकोले नेपाली जनतालाई सामाजिक न्यायसहितको समृद्धिको नयाँ युगमा पु¥याउन सरकार प्रतिबद्ध छ । शान्ती समृद्धि र स्थायित्वको ऐतिहासिक जिम्मेवारी पूरा गर्नुपर्ने दायित्व हाम्रा सामु छ ।’

१५३ औं लेनिन जन्मजयन्ती तथा नेपाल कम्युनिस्ट पार्टीको ७४ औं स्थापना दिवसको अवसरमा प्रधानमन्त्रीले सम्पूर्ण कम्युनिस्ट क्रान्तिकारी र वामपन्थी प्रगतिशील शक्तिलाई समाजवादको आधार निर्माणको अभियानमा सहभागी हुन समेत अपील गरेका छन् ।