काठमाडौं । राष्ट्रिय स्वतन्त्र पार्टीको संसदीय दलको नेतामा पार्टी सभापति रवि लामिछाने सर्वसम्मत चुनिएका छन् ।

सोमबार दिउँसो बसेको संसदीय दलको बैठकले लामिछानेलाई संसदीय दलको नेतामा निर्विरोध चयन गरेको पार्टीका प्रमुख सचेतक सन्तोष परियारले जानकारी दिए। त्यसैगरी बैठकले पार्टीको सचेतक निशा डाँगीलाई बनाउने निर्णय पनि गरेको छ । बैठकले पार्टीको सचेतक निशा डाँगीलाई बनाउने निर्णय पनि गरेको छ ।

उनले रास्वपा सरकारमा जाने कि नजाने भन्ने बारे आगामी शुक्रबार बस्ने संयुक्त बैठकले निर्णय गर्ने जानकारी पनि दिए ।

उनले भने ‘ विहान बसेको केन्द्रीय समितिको बैठकले संसदीय दलको नेतामा सभापति लामिछानेलाई चयन गर्ने प्रस्ताव पठाएको थियो त्यसलाई हामीले सर्वसम्मतरुपमा अनुमोदन ग¥यौं ।

त्यस्तै प्राविधिक रुपमा काम गर्न समिति पनि गठन गरेका छौं । आगामी शुक्रबार बस्ने संयुक्त बैठकले देशको राजनीतिक घट्नाक्रमहरु, सरकारमा जाने कि नजाने भन्ने विषयमा टुंगो लगाउने छ ।
’

त्यस्तै पार्टीले पार्टीमा ३६ वटा विभाग गठन गर्दै विभागीय प्रमुखहरु तोकेको छ । स्वर्णिम वाग्लेलाई अर्थ नीति विभाग प्रमुखको जिम्मेवारी दिइएको छ । डा।मुकुल ढकाललाई प्रचार तथा प्रशिक्षण विभागको प्रमुख तोकेको छ, संगठन विभागमा कविन्द्र बुर्लाकोटी तोकिएका छन् ।

यस्तै शिशिर खनाललाई अन्तर्राष्ट्रिय विभाग प्रमुख, भ्रष्टाचार निवारण तथा सुशासन प्रवद्र्धन विभाग प्रमुख हरि ढकाल, शिक्षा विभाग प्रमुख सुमना श्रेष्ठ, स्वास्थ्य तथा जनसंख्या विभाग प्रमुख डा। तोसिमा कार्की, कृषि विभाग र सहकारी विभाग प्रमुख अशोक चौधरी र सार्वजनिक लेखा समीक्षा विभाग प्रमुख मनिष झालाई तोकिएको छ ।