मुनलाईट हाइड्रोपावरकाे साधारण शेयर निष्काशन तथा बिक्री प्रबन्धकमा लक्ष्मी सनराइज क्यापिटल नियुक्त
Sunday Oct 27, 2024
वि.सं.२०८१ कात्तिक ११ आइतवार ०६:२१
काठमाडौँ । मुनलाईट हाइड्रोपावर कम्पनी लिमिटेडले निष्काशन गर्ने साधारण शेयरको लागि लक्ष्मी सनराइज क्यापिटल लिमिटेड(SCL)लाई निष्काशन तथा बिक्री प्रबन्धक नियुक्त गरेकाे छ ।
लक्ष्मी सन्राइज क्यापिटलले मुनलाईट हाइड्रोपावर कम्पनी लिमिटेडको सर्वसाधारणमा बिक्री गरिने १०० रूपैयाँ अंकित दरका १ अर्ब ७६ कराेड १० लाख ५ हजार रूपैयाँ रकम बराबरको १ कराेड ७६ लाख १० हजार ५० कित्ता साधारण शेयर निष्काशन तथा बिक्री प्रबन्ध गर्ने सम्बन्धी सम्झौता गरेको हाे ।
उक्त सम्झौतामा लक्ष्मी सन्राइज क्यापिटलको तर्फबाट प्रमुख कार्यकारी अधिकृत विजय लाल श्रेष्ठ र मुनलाईट हाइड्रोपावरको तर्फबाट प्रमुख कार्यकारी अधिकृत अनन्त कार्कीले हस्ताक्षर गरेका छन् ।
मुनलाईट हाइड्रोपावरले सिन्धुपाल्चोक जिल्लाको जुगल गाउँपािलकामा रहेका २२.१४ मेगावाट क्षमताको बलेफी-ए जलबिद्युत आयोजना निर्माणाधिन गरी हाल ७० प्रतिशत भन्दा बढी कार्य सम्पन्न भईसकेको छ ।
