काठमाडौं । विदेशी लगानीको स्ट्याण्डर्ड चार्टर्ड बैंकको प्रमुख कार्यकारी अधिकृत (सीईओ) मा गोरख शमशेर राणा नियुक्त भएका छन्।

नेपालमा संचलनमा आएको ४० वर्षपछि चार्टर्डमा पहिलोपटक नेपालीलाई सीईओ बनाइएको हो । नेपालमा चार्टर्ड बैंक सन् १९८७ देखि संचालनमा आएको थियो ।

हालका सीईओ अरिनब घोष दस्तिदरको कार्यकाल सकिएपछि राणालाई सीईओमा नियुक्त गरिएको हो। सीईओमा नियुक्त हुनु अघि बैंकमा राणा डेपुटी सीईओको रहेका थिए। उनले अमेरिकाबाट एमबीए गरेका हुन् ।

राणाले तत्कालीन ग्रीनलेज बैंकबाट बैंकिङ करियर सुरु गरेका थिए । उनी सन् १९९४ देखि उनी स्ट्याण्डर्ड चार्टर्ड बैंकमा आबद्ध भएका थिए । उनले बैंकमा विभिन्न डिपार्टको नेतृत्व सम्हालेका थिए ।

राणा दिवंगत राजा वीरेन्द्र शाहका ज्वाइँ हुन्। उनको श्रीमती श्रुती राज्यलक्ष्मी शाहको दरबार हत्याकाण्डमा मृत्यु भएको थियो।