काठमाडौं । सांग्रिला डेभलपमेन्ट बैंक लिमिटेड र स्टे होटल भ्याली भ्यूबीच गरेको सम्झौताअनुसार बैंकका ग्राहक र कर्मचारीहरूलाई होटलको सेवामा छुट दिइने भएको छ। यो सम्झौता दुई वर्षका लागि लागू हुनेछ।

सम्झौतापत्रमा सांग्रिला डेभलपमेन्ट बैंकको नेपालगञ्ज क्लस्टरका प्रमुख जयन्द्रबहादुर खड्का र स्टे होटल भ्याली भ्यूका म्यानेजिङ डाइरेक्टर तर्क बहादुर शाहीले हस्ताक्षर गरेका हुन्। यसअनुसार बैंकका ग्राहकले स्टे होटल भ्याली भ्यूमा सांग्रिला डेभलपमेन्ट बैंकको डेबिट कार्ड वा क्यूआर कोडमार्फत खाना, कोठा र बेभरेजको भुक्तानी गर्दा १० प्रतिशत छुट पाउनेछन्। बैंकका कर्मचारीहरूलाई चाहिँ २० प्रतिशत छुट दिइनेछ।

सांग्रिला डेभलपमेन्ट बैंकले यस सम्झौताबाट बैंकका ग्राहकहरूलाई फाइदा पुग्ने विश्वास गरेको छ। बैंकले हाल मुलुकभर ११२ शाखा कार्यालय र ३० वटा एटीएममार्फत सेवा प्रवाह गर्दै आएको छ।