काठमाडौं । गर्मीको मौसमलाई ध्यानमा राख्दै सामसङले नयाँ बिस्पोक एआई डबल डोर रेफ्रिजेरेटर सार्वजनिक गरेको छ। यसले अत्याधुनिक कूलिङ प्रविधि, स्मार्ट उर्जा प्रबन्धन, र आकर्षक डिजाइनका साथ गर्मीको चुनौतीलाई सहज बनाउने दाबी गरेको छ।

यस रेफ्रिजेरेटरमा एआई एनेर्जी मोड, स्मार्टठिंगस् कनेक्सन, कन्भर्टएबल ५–इन–1 मोड, र ट्वीन कुलिंग प्लस जस्ता उन्नत फिचरहरू समावेश छन्। एआई एनेर्जी मोडले युजरको प्रयोग प्याटर्न अनुसार ऊर्जा खपत अनुकूल बनाउँदै १०% सम्म बिजुली बचत गर्न मद्दत गर्छ। यसले न केवल खर्च घटाउँछ, तर दिगो जीवनशैलीमा पनि योगदान दिन्छ।

कन्भर्टएबल ५–इन–1 मोडले नर्मल, सिजनल, एक्स्ट्रा फ्रिज, भेकेसन, र होम अलोन् गरी पाँचवटा मोडहरू प्रदान गर्छ, जसले घरको आवश्यकता अनुसार फ्लेक्सिबल उपयोगिता सुनिश्चित गर्छ। ट्वीन कुलिंग प्लस प्रविधिले रेफ्रिजेरेटर र फ्रिजरका लागि अलग–अलग कूलिङ सिस्टम प्रयोग गरी खानालाई लामो समयसम्म ताजा राख्छ। यसले ७०% सम्म आद्र्रता कायम राख्न मद्दत गर्दछ, जसले गर्मीमा पनि फलफूल र तरकारीहरू ताजा रहन्छन्।

स्मार्टठिंगस् एपमार्फत यस रेफ्रिजेरेटरलाई स्मार्टफोनबाट नियन्त्रण गर्न सकिन्छ। यसले ऊर्जा खपत ट्र्याक गर्ने, तापक्रम समायोजन गर्ने, र रियल–टाइम नोटिफिकेसन प्रदान गर्ने सुविधा दिन्छ।

सामसङका प्रतिनिधिहरूले यो रेफ्रिजेरेटर गर्मीको लागि उत्तम होम अप्लाएन्स हो भनेर जनाएका छन्। यसले न केवल खाना ताजा राख्छ, तर ऊर्जा बचत गरी पर्यावरणमा पनि सकारात्मक योगदान दिन्छ।

यो नयाँ बिस्पोक एआई रेफ्रिजेरेटर नेपाली बजारमा पनि उपलब्ध हुने छ भन्ने समाचार छ।