काठमाडौं । ‘आईआईएन इन्स्योरेन्स समिट २०२४–एभिएशन’ भव्यताका साथ सम्पन्न भएको छ । बीमा प्राधिकरण र बीमा कम्पनीहरुद्धारा स्थापित इन्स्योरेन्स इन्स्टिच्युट अफ नेपाल (आईआईएन) द्वारा आयोजित उक्त एक दिवसीय अन्तर्राष्ट्रिय सम्मेलन “Avia Risk Mitigation: A Shared Responsibility Amongst Stakeholders” विषयमा केन्द्रित रह्यो ।

कार्यक्रम नेपाल बीमा प्राधिकरणका अध्यक्ष तथा इन्टिच्यूटका संरक्षक सूर्य प्रसाद सिलावलको प्रमुख आतिथ्यतामा तथा इन्टिच्यूतका अध्यक्ष राजुरमण पौडेलको सभापतित्वमा सम्पन्न भयो ।

हवाई बीमा र उड्डयन जोखिम व्यवस्थापनसँग सम्बन्धित समस्याहरू, चुनौतीहरू तथा भविष्यका सम्भावनाहरूको विषयमा मन्त्रालय, संस्कृति पर्यटन तथा नागरिक उड्डयन मन्त्रालय, पर्यटन विभाग, नेपाल राष्ट्र बैंक, वायुसेवा सञ्चालक, पुनर्बीमा कम्पनी, बीमा दलाल, निर्जीवन बीमा कम्पनी र अन्य प्रमुख सरोकारवालाबीच व्यापक छलफल तथा अन्तरक्रिया भएको थियो ।

कार्यक्रममा हवाई बीमा सम्बन्धी विषयमा विशेष डिस्कसन प्यानल पनि सञ्चालन गरिएको थियो ।
समापन सत्रमा प्राधिकरणका कार्यकारी निर्देशक तथा इन्टिच्यूतका कार्यकारी निर्देशक राजुरमण पौडेलले सम्मेलनलाई सफलतापूर्वक सम्पन्न भएको घोषणा गर्दै सबै सहभागीलाई धन्यवाद दिएका थिए ।