काठमाडौं । मंगलबार शेयर बजार सामान्य रूपमा बढेर बन्द भएको छ। नेपाल स्टक एक्सचेन्ज (नेप्से) परिसूचक ४.२६ अंकले बढेर २,६१४ मा पुगेको छ। आज १२० कम्पनीका शेयर मूल्य बढेका छन् भने १२६ कम्पनीका घटेका छन्।

आज ३१८ कम्पनीका २ करोड ५ लाख ४२ हजार ७६४ कित्ता शेयर किनबेच हुँदा कुल कारोबार रकम ८ अर्ब ७४ करोड नाघेको छ। सबैभन्दा धेरै सानिमा माई हाइड्रोपावरको ९२ करोड ८९ लाख रुपैयाँको शेयर कारोबार भएको छ। त्यसपछि ङादी ग्रुप पावरको ६७ करोड ३२ लाख र राधि विद्युत कम्पनीको ३८ करोड २२ लाखको कारोबार भएको छ।

नेपाल माइक्रो इन्स्योरेन्सका लगानीकर्ताले आज १० प्रतिशतको सर्वाधिक मुनाफा कमाएका छन्। यस्तै, क्रेष्ट माइक्रो लाइफ, ओम मेगा श्री, रिडी पावरका लगानीकर्ताले पनि क्रमशः ९.९९, ९.९८ र ९.९१ प्रतिशतको लाभ कमाएका छन्। विपरीत, विन नेपाल लघुवित्तका लगानीकर्ताले १० प्रतिशतको घाटा व्यहोर्नुपरेको छ।