काठमाडौं । आई.एम.ई. लाइफ इन्स्योरेन्स कम्पनीका बीमित, अभिकर्ता तथा कर्मचारीहरूले अब आमा हस्पिटलमा उपचार सेवा लिँदा ५०% सम्म छुट पाउने भएका छन्।

कम्पनी र आमा हस्पिटलबीचको सहकार्यअनुसार बीमितहरूले क्याबिन बेडमा ५०% छुट, जनरल बेडमा ३०% छुट तथा अन्य हस्पिटल सेवाहरूमा २०% छुट पाउनेछन्। साथै आकस्मिक अवस्थाका लागि उपलब्ध एम्बुलेन्स सेवा पूर्णतः निःशुल्क गरिने भएको छ।

यसबाहेक, हस्पिटलमा उपलब्ध हेल्थ चेकअप प्याकेजहरूमा ४०% छुटको विशेष सहुलियत पनि उपलब्ध हुनेछ। छुट सुविधा प्राप्त गर्नका लागि बीमितहरूले IME LIFE Mobile App मा रहेको प्रिभिलेज कार्ड देखाउनु पर्नेछ। अभिकर्ता तथा कर्मचारीहरूले भने कम्पनीले जारी गरेको आधिकारिक परिचयपत्र पेस गरी सो सुविधा लिन सक्नेछन्।

कम्पनीले यस्ता व्यावसायिक सहकार्यलाई निरन्तर बिस्तार गर्दै आफ्ना बीमित, अभिकर्ता तथा कर्मचारीहरूलाई थप प्रभावकारी, गुणस्तरीय र सहज सेवा प्रदान गर्दै जाने प्रतिबद्धता जनाएको छ।