काठमाडौं । नेपाल – ७ अगस्ट २०२५ – भारतको उच्च प्रदर्शन इलेक्ट्रिक मोटरसाइकल ब्रान्ड, उल्ट्रावायलेटले अब नेपालमा आफ्नो आधिकारिक उपस्थिति जनाएको छ। Kedia International Pvt. Ltd सँगको रणनीतिक साझेदारीमार्फत, उल्ट्रावायलेटले नेपाली बजारमा आफ्ना उत्पादनहरू उपलब्ध गराउन थालेको छ।

NAIMA Mobility Expo 2025 मा ग्लोबल डेब्यू गर्दै, उल्ट्रावायलेटले आफ्नो प्रमुख मोडल F77 Mach 2 Recon सार्वजनिक गरेको छ, जसले प्रदर्शन र दिगोपनमा नयाँ मापदण्ड स्थापना गरेको छ।

यो मोडलले ४०.२ HP पावर, १०० Nm टर्क, १५५ किलोमिटर प्रति घन्टा शीर्ष गति, र ३२३ किलोमिटरको यात्रा दायरा प्रदान गर्दछ। फाइटर जेटबाट प्रेरित यसको आकर्षक डिजाइन र नयाँ “Parallax” तथा “Radar” कन्सोल थिमहरूले यसलाई विशेष बनाएको छ।

स्मार्ट टेक्नोलोजी र सुरक्षा सुविधाहरूमा डाइनामिक स्ट्याबिलिटी कन्ट्रोल, हिल होल्ड, Bosch ABS, Theft Alert, Crash Alert लगायतका विकल्पहरू समावेश छन्। १०.३ kWh क्षमताको IP67 रेटेड ब्याट्री दीर्घकालीन भरोसा प्रदान गर्छ र यसको वारेन्टी ८ वर्ष वा ८ लाख किलोमिटर सम्म विस्तार गर्न सकिन्छ।

NAIMA Mobility 2025 मा मात्र सीमित समयका लागि ०% ब्याजमा कर्जा सुविधा, NPR १,००,००० नगद छुट, र आकर्षक डाउन पेमेन्ट योजना उपलब्ध छन्। कार्यक्रममा आउने एक भाग्यशाली व्यक्तिले प्रिमियम शार्क हेलमेट जित्ने अवसर पाउनेछन् भने सबै आगन्तुकहरूलाई उपहार दिइनेछ।

उल्ट्रावायलेटको F77 Mach 2 Recon ले नेपाली बजारमा इलेक्ट्रिक मोटरसाइकलको नयाँ युगको सुरुवात गरेको छ, जहाँ उच्च प्रदर्शन, प्रविधि र दिगोपनलाई एकै बाइकमा समेटिएको छ।