काठमाडौं । नेपालका लागि जेइको ईभीको आधिकारिक वितरक एसपीजी अटोमोबाइल्स प्रालिले नाइमा नेपाल मोबिलिटी एक्सपो २०२५ मा प्रिमियम इलेक्ट्रिक एसयूभी ‘जेइको जे५’ सार्वजनिक गरेको छ। एक्सपो काठमाडौंको भृकुटीमण्डपमा आजदेखि सुरु भएको छ।

कम्पनीले ओमोडा र जेइकोका पहिलेकै मोडलसँगै नयाँ जे५ मोडलले नेपाली बजारमा प्रिमियम इलेक्ट्रिक एसयूभीको नयाँ विकल्प प्रस्तुत गरेको बताएको छ। जेइको जे५मा शहरी सडकदेखि अफरोड यात्रासम्म सहज यात्राको लागि उत्कृष्ट डिजाइन, प्रदर्शन र लक्जरी समेटिएको छ। यसमा रेन्ज रोभरबाट प्रेरित डिजाइन, १८५ मिमि ग्राउन्ड क्लियरन्स, १८ इन्च स्पेयर टायर, ४६१ किलोमिटर ड्राइभिङ रेन्ज र ४८० लिटरको बुट स्पेस जस्ता सुविधा छन्, जुन ग्राहकहरूको लागि आकर्षक विकल्प सावित हुने अपेक्षा गरिएको छ।

नाइमा एक्सपो विशेष अफरअन्तर्गत, जेइको जे५ को मूल्य ६० लाख ९९ हजार रुपैयाँ तोकिएको छ भने हाल यो मोडल ग्राहकहरूले ५६ लाख ९९ हजार रुपैयाँमा बुकिङ गर्न सक्नेछन्। यसैगरी, कम्पनीले ओमोडा र जेइकोका अन्य मोडलहरूमा समेत विशेष मूल्य छुट उपलब्ध गराएको छ।

पहिले ६१ लाख ९९ हजारमा उपलब्ध ओमोडा ई५ नाइमा विशेष मूल्यमा ५४ लाख ९९ हजार रुपैयाँमा बुकिङ गर्न सकिन्छ भने, जेइको जे६ पहिले ६९ लाख ९९ हजारमा उपलब्ध रहेकोमा नाइमा एक्सपो विशेष मूल्यमा ६५ लाख ९९ हजार रुपैयाँमा उपलब्ध हुनेछ।

नाइमा मोबिलिटी एक्सपो २०२५ मा जेइको वा ओमोडाका कुनै पनि मोडल बुक गर्ने ग्राहकहरूले विशेष छुट र अफरहरूको फाइदा लिन सक्ने कम्पनीले जनाएको छ।