काठमाडौं । याडिया ब्रान्डका अत्याधुनिक इलेक्ट्रिक स्कुटरहरू ‘नाइमा नेपाल मोबिलिटी एक्सपो’मा सार्वजनिक भई नेपाली बजारमा उपलब्ध भएका छन्। नेपालमा आधिकारिक वितरक कुजु नेपाल प्रालिले याडियाका तीन नयाँ ‘भेलाक्स सिरिज’ मोडलहरू ल्याएको हो — ‘भेलाक्स फास्ट चार्जिङ’, ‘भेलाक्स यु’, र ‘भेलाक्स एच’।

‘भेलाक्स फास्ट चार्जिङ’ मोडलले ७६ भोल्ट ३० एएच एलएफपी ब्याट्रीसहित ११० किमी रेन्ज र २० मिनेटमै ८० प्रतिशत चार्ज गर्ने क्षमता राख्दछ। यसमा ३२०० वाट मोटर र ६२ किमी प्रतिघण्टा गति छ। ‘भेलाक्स यु’ मोडलले डुअल ७४ भोल्ट २० एएच ब्याट्री प्रणालीमा १४० किमी रेन्ज र ८० किमी प्रतिघण्टा टप स्पीड प्रदान गर्दछ। यसमा ४९०० वाटको मोटर छ।

‘भेलाक्स एच’ मोडल दैनिक प्रयोगकर्ताका लागि सुलभ मूल्यमा ७२ भोल्ट ३० एएच ब्याट्री, १०० किमी रेन्ज, र ६२ किमी प्रतिघण्टा गति सहित उपलब्ध छ। तीनै मोडलमा क्रुज कन्ट्रोल, रिभर्स मोड, किलेस स्टार्ट, स्मार्ट अनलक, मोबाइल एप इंटिग्रेसन, रिजेनेरेटिभ ब्रेकिङ, यूएसबी पोर्ट, एलईडी लाइट र फुल्ली डिजिटल ड्यासबोर्ड जस्ता अत्याधुनिक सुविधाहरू छन्।

भेलाक्स सिरिजको मूल्य २ लाख ८५ हजार रुपैयाँदेखि सुरु हुन्छ र ३ वर्ष वा ३० हजार किलोमिटरको वारेन्टी प्रदान गरिन्छ। देशभरका १२ भन्दा बढी आधिकारिक डिलरमार्फत टेस्ट राइड, प्रि–बुकिङ, र फाइनान्सिङ सेवा उपलब्ध छन्।