काठमाडौँ । हुन्डाईले नेपालमा आफ्नो १०औं वार्षिकोत्सवको अवसरमा लोकप्रिय एसयूभी क्रेटाको तीन नयाँ विशेष संस्करण लन्च गरेको छ । कम्पनीले क्रेटा किङ, किङ लिमिटेड र किङ नाइट नामका संस्करण बजारमा ल्याएको हो ।

क्रेटा किङ संस्करणमा १८ इन्च डायमन्ड–कट अलोय ह्वील, ‘King’ प्रतीक, मेमोरी फंक्सनसहितको इलेक्ट्रिक एड्जस्टेवल ड्राइभर सिट, ८–वे पावर एड्जस्टेवल प्यासेन्जर सिट, इलेक्ट्रिक वाक–इन डिभाइस, कप होल्डर, स्लाइडिङ आर्मरेस्ट र डुअल–जोन अटोमेटिक क्लाइमेट कन्ट्रोल जस्ता आधुनिक फिचर दिइएका छन् । यसको मूल्य १७ लाख ८८ हजार ५०० देखि २० लाख ६१ हजार १०० भारु तोकिएको छ ।

किङ लिमिटेड संस्करणमा हेडरेस्ट कुशन, कार्पेट म्याट, की कभर, ढोकाको क्ल्याडिङ र सिट बेल्ट कभर थप गरिएको छ । यो संस्करण एबिस ब्ल्याक, एटलस ह्वाइट र ब्ल्याक म्याट कलरमा उपलब्ध हुनेछ । मूल्य १९ लाख ४९ हजार ४०० देखि २० लाख ७७ हजार भारु तोकिएको छ ।

किङ नाइट संस्करणलाई हुन्डाइले पूर्ण कालो बाहिरी डिजाइनमा ल्याएको छ । यसमा पनि क्रेटा किङ जस्तै धेरै सुविधा जस्तै डुअल–जोन अटोमेटिक क्लाइमेट कन्ट्रोल, टच प्यानल, ड्यासक्याम र १८ इन्च अलोय ह्वील जस्ता फिचर उपलब्ध छन् । यसको मूल्य १९ लाख ६४ हजार ३०० देखि २० लाख ९२ हजार भारु निर्धारण गरिएको छ ।

यी सबै संस्करणमा हुन्डाईले १.५–लिटर पेट्रोल, १.५–लिटर डिजेल र १.५–लिटर टर्बो–पेट्रोल इन्जिनका विभिन्न गियरबक्स अप्सन उपलब्ध गराएको छ ।