काठमाडौं । ज्योति विकास बैंकले दशैंको अवसरमा आफ्ना ग्राहकहरूलाई हवाई यात्रा अझ सहज र लाभदायक बनाउने उद्देश्यले विशेष क्यासब्याक योजना सार्वजनिक गरेको छ। बैंकको मोबाईल बैंकिङ एप, ज्योति स्मार्ट प्रयोग गरी कुनै पनि घरेलु एयरलाइन्सको हवाई टिकट खरिद गर्दा ग्राहकले रु. ५०० सम्मको क्यासब्याक प्राप्त गर्न सक्नेछन्।

यस अफरको लागि ग्राहकहरूले टिकट खरिद गर्दा “JBBL500” प्रोमो कोड प्रयोग गर्नुपर्नेछ। अफर सिमित अवधिका लागि लागू हुनेछ र पहिलो ४०० ग्राहकहरूलाई मात्र लाभ प्राप्त हुनेछ।

बैंकले डिजिटल कारोबार प्रोत्साहन गर्दै ग्राहकहरूको सुविधालाई प्राथमिकतामा राख्दै यस्ता आकर्षक योजना सञ्चालन गर्दै आएको छ। हालैमात्र बैंकले सूचना सुरक्षा व्यवस्थापन प्रणालीमा ISO 27001:2022 प्रमाणपत्र प्राप्त गरेको छ, जसले बैंकको सूचना सुरक्षा मापदण्ड बलियो र जोखिम व्यवस्थापन सक्षम रहेको पुष्टि गर्छ।

ज्योति विकास बैंकले १२१ शाखा, ३ विस्तारित काउन्टर र ७५ एटीएम मार्फत बैंकिङ सेवा उपलब्ध गराउँदै आएको छ। बैंकले सामाजिक उत्तरदायित्वका कार्यक्रमहरूमा पनि अग्रस्थानमा रहँदै स्वास्थ्य, शिक्षा र जीवन रक्षामा उल्लेखनीय योगदान पुर्याइरहेको छ।