काठमाडौं । नयाँ बानेश्वरस्थित संसद भवन अहिले खण्डहरको रूपमा परिणत भएको छ। गत भाद्र २३ र २४ गतेको जेन-जी आन्दोलनका क्रममा प्रदर्शनकारीहरूले भवनमा तोडफोड र आगजनी गरेपछि यसको संरचना पूर्ण रूपमा क्षतिग्रस्त बनेको हो।

संसद भवन परिसरमा रहेका सवारीसाधनहरू समेत आगो लगाइएपछि भवन वरपरको दृश्य अझ दयनीय बनेको छ। अहिले संसद भवनको भित्री तथा बाहिरी संरचना दुवै तहसनहस भएको देखिन्छ।

देशको विधायिकाको प्रतीक मानिने यो भवन अहिले दुरवस्थामा उभिएको छ, जसले मुलुकको राजनीतिक तथा सामाजिक अस्थिरताको चित्रण झल्काएको छ।